आप नेत्या नंदानी यांचा मृतदेह आढळला, विवाहित बॉयफ्रेंडवर खून केल्याचा आरोप
AAP leader Nandani Bosmia : राजकोटमध्ये आप नेत्या नंदानी बोसमिया हिचा फ्लॅटमध्ये गळफास घेतलेल्या अवस्थेत मृतदेह आढळला. कुटुंबीयांनी हा आत्महत्या नसून खून असल्याचा आरोप करत लिव्ह-इन पार्टनरवर गंभीर आरोप केले आहेत.
ADVERTISEMENT
बातम्या हायलाइट
आप नेत्या नंदानी यांचा मृतदेह आढळला
विवाहित बॉयफ्रेंडवर खून केल्याचा आरोप
AAP leader Nandani Bosmia : आम आदमी पक्षाच्या 23 वर्षीय नेत्या नंदानी बोसमिया हिच्या मृत्यूने खळबळ उडाली आहे. नंदानीचा मृतदेह सोमवारी (दि.22) संध्याकाळी तिच्या फ्लॅटच्या हॉलमध्ये गळफास घेतलेल्या अवस्थेत आढळून आला. घटनेची माहिती मिळताच पोलीस घटनास्थळी पोहोचले, मात्र वैद्यकीय कर्मचाऱ्यांनी तिला रुग्णालयात नेण्यापूर्वीच मृत घोषित केले. या प्रकरणात सुरुवातीला आत्महत्येची शक्यता व्यक्त करण्यात आली असली, तरी नंदानीच्या कुटुंबीयांनी हा खून असल्याचा गंभीर आरोप केला आहे. तसेच तिच्यासोबत लिव्ह-इन रिलेशनशिपमध्ये राहणाऱ्या विवाहित व्यक्तीवर छळ, मारहाण आणि पुरावे लपवण्याचा आरोप करण्यात आला आहे.
हेही वाचा : उद्धव ठाकरेंनी भर सभेत 'मुंबई Tak' चा व्हिडीओ दाखवला, म्हणाले,"आईची शपथ घेऊन गद्दारी"
नंदानीचे वडील यांनी पोलिसांना दिलेल्या तक्रारीनुसार, नंदानीची ओळख जुनागढ येथील विवाहित असलेल्या अस्लम हुसेन सामा याच्याशी झाली होती. त्या वेळी नंदानी त्याच्या मालकीच्या घरात भाडेकरू म्हणून राहत होती. त्यानंतर दोघांचे संबंध वाढले आणि ते राजकोटमध्ये लिव्ह-इन रिलेशनशिपमध्ये राहू लागले. मात्र, गेल्या काही महिन्यांत त्यांच्या नात्यात तणाव वाढला होता.
नंदानीसोबत राहत असतानाही पत्नीशी संबंध कायम
कुटुंबीयांच्या म्हणण्यानुसार, अस्लम हा नंदानीसोबत राहत असतानाही पत्नीशी संबंध कायम ठेवत होता. यामुळे दोघांमध्ये वारंवार वाद होत होते आणि त्या काळात नंदानीवर शारीरिक अत्याचारही करण्यात येत असल्याचा आरोप करण्यात आला आहे. वडिलांनी असा दावा केला की, अलीकडील एका वादानंतर नंदानी काही दिवस नातेवाईकांकडे राहण्यासाठी गेली होती, मात्र मृत्यूपूर्वी काही काळ आधी ती पुन्हा फ्लॅटमध्ये परतली होती.
