भाऊ बाहेर गेला आणि वहिनीच्या बेडरूममध्ये आला परपुरूष, आतून आवाज आला अन् दिराने...

दीराच्या ओरडण्याचा आवाज ऐकून सर्वत्र गोंधळ उडाला. त्यावेळी वहिनीला भेटायला आलेला माणूस पकडला जाईल या भीतीने घरातून पळू लागला. त्याने दुसऱ्या मजल्यावरून उडी मारली आणि त्यामुळे त्याच्या पाठीचा कणा फ्रॅक्चर झाला आणि त्याच्या कंबरेची हाडं मोडल्याचं देखील सांगितलं जात आहे. हाडं मोडल्यामुळे संबंधित तरुण तिथून पळून जाऊ शकला नाही. त्याला असह्य वेदना होत होत्या आणि तरुणाचा आवाज ऐकून लोक घटनास्थळी पोहचले. 

कुटुंबियांसह पोलिसात तक्रार दाखल 

गावकऱ्यांनी संबंधित तरुणाला रुग्णालयात नेलं आणि तिथे त्याच्यावर उपचार सुरू आहेत. त्यानंतर त्या महिलेनं तिच्या कुटुंबियांसह संबंधित तरुणाविरुद्ध पोलीस स्टेशनमध्ये एफआयआर दाखल केला. हे प्रकरण गोरखपुरच्या गुलरिहा परिसरातील असल्याचं सांगण्यात येत आहे. गुलरिहा पोलिसांनी आरोपी तरुणाविरुद्ध गुन्हा दाखल केला असून प्रकरणाचा तपास सुरू असल्याची माहिती त्यांनी दिली.

हे ही वाचा:  'त्या' कारणामुळे केली पत्नीची हत्या, नंतर मृतदेह जमिनीत पुरला अन् स्वत:च पोलीस स्टेशनमध्ये जाऊन... नेमकं प्रकरण काय?

दीरानं सांगितला घटनाक्रम...

महिलेच्या दीराने सांगितल्याप्रमाणे, रात्री अचानक जाग आल्यानंतर दीराने वहिनीच्या खोलीत एक व्यक्ती खोलीत शिरत असल्याचं पाहिलं. त्यावेळी ही व्यक्ती नेमकी कोण आहे? असा प्रश्न त्याला पडला. त्यानंतर त्याने खोलीत जाऊन याचा तपास करण्याचं ठरवलं. तो खोलीत गेल्यानंतर ती व्यक्ती तिथेच होती. पण वहिनी झोपली होती. दीराने हे पाहिल्यानंतर त्याने ओरडायला सुरूवात केली आणि संबंधित तरुण बाहेर पळाला. दीराने त्या तरुणाला पकडण्याचा प्रयत्न केला असता त्या तरुणाने दुसऱ्या मजल्यावरून उडी मारली आणि त्यामुळे त्याच्या कंबरेची हाडंच मोडली.