संतोष देशमुखांच्या हत्येनंतर फरार झालेल्या कृष्णा आंधळेबाबत कोर्टाचा प्रचंड मोठा आदेश

फरार आरोपी कृष्णा आंधळे याची संपत्ती जप्त करण्याची परवानगी द्यावी असा अर्ज सीआयडीच्या अधिकाऱ्यांनी न्यायालयाकडे काही दिवसांपूर्वीच केला होता, तसेच याबाबतची माहिती देखील सादर केली होती. याचबाबत आता कोर्टाने संपत्ती जप्तीचे आदेश दिले आहेत.

हे ही वाचा>> Kailas Phad : बीड पोलिसांना उशिरा जाग? शरद पवारांच्या नेत्याला मारहाण करणाऱ्या कैलास फडवर...

फरार आरोपी कृष्णा आंधळेकडे नेमकी किती संपत्ती?

कृष्णा आंधळे यांच्याकडे 5 विविध प्रकारची वाहने असून धारूर व केज येथील बँकेत तीन खाते देखील आहेत. सदरची संपत्ती जप्त करण्याचे आदेश न्यायालयाने दिले असून त्यानुसार कारवाई सुरू करण्यात आली आहे.

फरार आरोपी कृष्णा आंधळेला तात्काळ अटक करा - धनंजय देशमुख

दरम्यान, कृष्णा आंधळेच्या संपत्ती जप्त करण्याचे कोर्टाने आदेश दिल्यानंतर संतोष देशमुख यांचे बंधू धनंजय देशमुख यांनी काही महत्त्वाची मागणी केली आहे. उद्या (17 फेब्रुवारी) मस्साजोग ग्रामस्थ एक महत्त्वाची बैठक घेणार  असल्याची माहिती धनंजय देशमुख यांनी दिली आहे.

हे ही वाचा>> बीडमध्ये हे चाललंय तरी काय? वाल्मिक कराडच्या बातम्या पाहणाऱ्या तरुणाला तुफान मारहाण

'कृष्णा आंधळे याची संपत्ती जप्त करणे एक प्रक्रियेचा भाग आहे. मात्र, कृष्णा आंधळेला तात्काळ अटक करून त्याला फाशी देण्यात यावी. असेही ते म्हणाले आहेत. ज्यावेळेस या प्रकरणातील सर्व आरोपी फासावर लटकतील त्यावेळेस आमचं समाधान होईल. तपास योग्य दिशेने आणि निष्पक्षपातीपणे चालवा यासाठी आम्ही वेळोवेळी विनंती करत आहोत.' असेही धनंजय देशमुख म्हणाले आहेत.