चीड येईल असं कृत्य, 8 महिन्यांच्या पुतणीवर बलात्कार.. कुटुंबीयांनी पकडलं रंगेहाथ

8 महिन्यांच्या पुतणीवर भाळला 

करनाल जिल्ह्यातील लहानशा गावात राहणाऱ्या एका कुटुंबात वडील, त्याची पत्नी आणि दोन लहान मुली होत्या. मोठी मुलगी साडेतीन वर्षांची तर धाकटी फक्त आठ महिन्यांची होती. वडील मजूर म्हणून काम करायचे. पण वडिलांचा मोठा भाऊ, म्हणजेच मुलीच्या काकाला दारूचं व्यसन होतं. तो नेहमीच दारूच्या नशेत असायचा. 

बऱ्याचदा केला लैंगिक अत्याचार 

एके दिवशी कुटुंबातील सदस्य मुलींना घरीच ठेवून बाहेर गेले असाताना ही धक्कादायक घटना घडली. मुलीचा आरोपी काकाने आठ महिन्यांच्या एका निष्पाप मुलीवर बलात्कार केला. इतकेच नव्हे तर पीडित चिमुकली फक्त साडेतीन महिन्यांची असतानासुद्धा तिच्या काकाने तिच्यासोबत असंच घाणेरडं कृत्य केलं होतं. त्याने पीडितेच्या मोठ्या बहिणीसोबत सुद्धा असं घृणास्पद वर्तन केल्याची माहिती आहे. मात्र, त्यावेळी समाजाच्या भितीने कुटुंबातील सदस्य गप्प राहिले आणि याबद्दल कोणालाच सांगितलं नाही. परंतु, या वेळी आठ महिन्यांच्या मुलीच्या ओरडण्याचा आवाज ऐकून कुटुंबातील सदस्यांनी घटनास्थळी धाव घेतली आणि तिच्या काकाला रंगेहाथ पकडलं.

हे ही वाचा: Govt Job: सैन्यात नोकरीसाठी प्रयत्न करताय? प्रतिक्षा संपली... 'या' दलात 3000 हून अधिक पदांसाठी भरती!

कुटुंबीयांनी केली तक्रार दाखल   

या घटनेबद्दल कळताच कुटुंबीयांनी तातडीने पोलिसांना फोन केला आणि त्यावेळी पोलीस घटनास्थळी पोहचले. पीडित मुलीला रुग्णालयात नेण्यात आलं आणि तिचं मेडिकल चेकअप करण्यात आलं. तेव्हा डॉक्टरांनी पीडितेवर बलात्कार झाल्याचं सांगितलं. कुटुंबीयांनी मेजिस्ट्रेटमध्ये प्रकरणासंदर्भातील त्यांचा जबाब नोंदवला. पीडित चिमुकलीच्या वडिलांनी आरोपीला कठोरातली कठोर शिक्षा देण्याची मागणी केली आहे.