Govt Job: सैन्यात नोकरीसाठी प्रयत्न करताय? प्रतिक्षा संपली... 'या' दलात 3000 हून अधिक पदांसाठी भरती!
सीमा सुरक्षा दल (BSF) कडून कॉन्स्टेबल (ट्रेड्समॅन) च्या एकूण 3588 रिक्त पदांसाठी भरती जाहीर करण्यात आली आहे. या भरतीसाठी इच्छुक आणि पात्र उमेदवार 23 ऑगस्ट 2025 पर्यंत ऑनलाइन माध्यमातून अर्ज करु शकतात.
बातम्या हायलाइट
सीमा सुरक्षा दल (BSF) कडून भरती जाहीर
एकूण 3588 रिक्त जागा भरल्या जाणार...
Govt Job: देशाच्या सुरक्षिततेत योगदान असणाऱ्या नोकरीचं स्वप्न पाहणाऱ्या तरुणांसाठी चांगली संधी उपलब्ध झाली आहे. सीमा सुरक्षा दल (BSF) कडून कॉन्स्टेबल (ट्रेड्समॅन) च्या एकूण 3588 रिक्त पदांसाठी भरती जाहीर करण्यात आली आहे. यामध्ये पुरुष उमेदवारांसाठी 3406 तर महिला उमेदवारांसाठी 182 रिक्त जागा आरक्षित असणार आहेत. या भरतीसाठी अर्जाची प्रक्रिया सुरू झाली असून इच्छुक आणि पात्र उमेदवार 23 ऑगस्ट 2025 पर्यंत ऑनलाइन माध्यमातून अर्ज करु शकतात. rectt.bsf.gov.in या BSF च्या अधिकृत वेबसाइटवर जाऊन उमेदवार अर्ज करू शकतात.
वयोमर्यादा
या भरतीसाठी अर्ज करणाऱ्या उमेदवारांचं किमान वय 18 वर्षे तर कमाल वय 25 वर्षे निश्चित करण्यात आलं आहे. तसेच, सरकारी नियमांनुसार राखीव प्रवर्गातील उमेदवारांना उच्च वयोमर्यादेत सूट देण्यात येईल. अनुसूचित जाती (SC) आणि अनुसूचित जमाती (ST) प्रवर्गातील उमेदवारांना 5 वर्षे तर ओबीसी (OBC) प्रवर्गातील उमेदवारांना 3 वर्षे उच्च वयोमर्यादेत सूट देण्यात येईल.
परीक्षेसाठी शुल्क
या परीक्षेसाठी इच्छुक असलेल्या उमेदवारांना 100 रुपये शुल्क आकारण्यात येईल. तसेच, SC/ST प्रवर्ग आणि महिला उमेदवारांना कोणत्याही प्रकारचं शुल्क आकारण्यात येणार नाही. उमेदवार ऑनलाइन माध्यमातून परीक्षेचं शुल्क भरू शकतात.
शैक्षणिक पात्रता आणि वेतन
या भरतीमध्ये सहभागी होण्यासाठी उमेदवाराने कोणत्याही मान्यताप्राप्त विद्यापीठातून 10 वी उत्तीर्ण असणं अनिवार्य आहे. त्यासोबतच, संबंधित ट्रेडमध्ये दोन वर्षांचं सर्टिफिकेट कोर्ससुद्धा आवश्यक आहे.
हे ही वाचा: "मीच माझ्या बायकोला..." पतीने केला 'तो' एक कॉल अन् पोलीस सुद्धा हादरले, नेमकं काय घडलं?
निवड प्रक्रिया
पहिला टप्पा: शारीरिक मानक चाचणी (PST) आणि शारीरिक कार्यक्षमता चाचणी (PET)
दुसरा टप्पा: लेखी परीक्षा
तिसरा टप्पा: डॉक्यूमेंट व्हेरिफिकेशन
लेखी परीक्षेत 100 गुणांसाठी 100 प्रश्न विचारण्यात येतील. यात सामान्य ज्ञान, गणित, इंग्रजी आणि हिंदी विषयाशी संबंधित प्रश्न विचारले जातील. परीक्षेचा कालावधी 2 तास असून त्यामध्ये 10 वी स्तरावर आधारित प्रश्न असतील.
हे ही वाचा: आधी डोकं धडापासून वेगळं केलं, नंतर मृतदेहाचे 19 तुकडे अन्... जावयानेच केली सासूची निर्घृण हत्या
कसा कराल अर्ज?
सर्वप्रथम rectt.bsf.gov.in या BSF च्या अधिकृत वेबसाइटला भेट द्या.
त्यानंतर, होमपेजवरील BSF Constable Recruitment 2025 लिंकवर क्लिक करा.
त्यात नाव, इमेल आयडी आणि मोबाईल नंबर टाकून लॉगिन करा.
लॉगिन केल्यानंतर वैयक्तिक माहिती तसेच, आवश्यक डॉक्यूमेंट्स, फोटो आणि सही अपलोड करा.
लागू असल्यास परीक्षेचं शुल्क ऑनलाइन माध्यमातून जमा करा.
अर्ज सबमिट करण्याआधी सर्व माहिती तपासा आणि त्याची प्रिंटआउट काढून भविष्यासाठी सुरक्षितरित्या ठेवा.
हे वाचलं का?
