मीरा रोडमधील उच्चभ्रू सोसायटीत पिटबुल कुत्र्याचा भयंकर हल्ला; रहिवाशांमध्ये भीतीचे वातावरण
मीरा रोड येथील एका मोठ्या आणि उच्चभ्रू गृहनिर्माण संकुलात पाळीव कुत्र्याने आपल्या संरक्षकावर (हँडलर) हल्ला केल्याची घटना समोर आली आहे.
ADVERTISEMENT
मीरा रोड: मीरा रोड येथील एका मोठ्या आणि उच्चभ्रू गृहनिर्माण संकुलात पाळीव कुत्र्याने आपल्या संरक्षकावर (हँडलर) हल्ला केल्याची घटना समोर आली आहे. 23 जून रोजी सायंकाळी सुमारे 6.30 वाजण्याच्या सुमारास ही घटना घडल्याचा दावा स्थानिक रहिवाशांकडून करण्यात आला आहे. या घटनेनंतर संकुलातील रहिवाशांमध्ये, विशेषतः लहान मुलांच्या पालकांमध्ये चिंतेचे वातावरण निर्माण झाले आहे.
नेमकं काय घडलं?
मिळालेल्या माहितीनुसार, संबंधित कुत्रा हा "पिटबुल मिक्स" जातीचा असल्याचे सांगितले जात आहे. नियमितपणे फिरण्यासाठी बाहेर नेण्यात येत असताना या कुत्र्याने त्याच्याच संरक्षकाला चावा घेतल्याचा आरोप आहे. या घटनेमुळे विशेषत: लहान मुलं सुरक्षेचा प्रश्न पुन्हा एकदा ऐरणीवर आला आहे.
हे ही वाचा>> मुंबई लोकलमध्ये मर्डर करणाऱ्या आरोपीला पोलिसांनी उचललं
सदर गृहनिर्माण संकुलात सुमारे 400 हून अधिक कुटुंबे वास्तव्यास असून मोठ्या संख्येने लहान मुले संकुलाच्या आवारात खेळत असतात. त्यामुळे अशा प्रकारच्या घटनेमुळे रहिवाशांमध्ये भीतीचे वातावरण निर्माण झाले आहे. अनेक रहिवाशांनी या घटनेची गंभीर दखल घेण्याची मागणी केली आहे.
याशिवाय, संकुलाच्या परिसरात सुमारे आठ भटके कुत्रेही वावरत असल्याचे रहिवाशांचे म्हणणे आहे. काही प्राणीप्रेमी त्यांची देखभाल करत असल्याचे सांगितले जाते. मात्र, यापूर्वीही या भटक्या कुत्र्यांकडून काही रहिवासी आणि मुलांचा पाठलाग करण्यात आल्याच्या तक्रारी करण्यात आल्या होत्या, असा दावा स्थानिकांनी केला आहे.
