अफेअरमुळे भाजप नेत्यानं रक्षाबंधनाच्या दिवशी पत्नीचा रस्त्यातच केला खून! पोलिसांनी खाकीचा दणका दाखवला अन्..

भाजप सिलोरा विभागाचे नेते रोहित सैनी यांची पत्नी संजू सैनी गंभीर जखमी झाली अन् त्यांनी किशनगढच्या सरकारी रुग्णालयात दाखल केला. परंतु, डॉक्टरांनी तपासणी केल्यानंतर तिला मृत घोषित केलं. रोहितही जखमी झालेला असतो. याप्रकरणी पोलीस तपास सुरु होतो आणि चोरीच्या घटनेचा पर्दाफाश होतो.

चोरट्यांनी हल्ला केला, नेत्यानं सांगितला थरार

भाजप नेते रोहित सैनी यांनी पोलिसांना सांगितलं की, ते रक्षाबंधनाच्या दिवशी पत्नीला घेऊन माहेर जात होते. भावाला राखी बांधल्यानंतर पत्नी संजू त्यांच्यासोबत घरी परतत होती. रस्त्यात चोरट्यांनी हल्ला केला आणि पत्नीचा गळा कापला. पत्नीचा मृत्यू झाला अन् मला (रोहित) जखमा झाल्या.

हे ही वाचा >> श्रावणी सोमवारी काळाची झडप! कुंडेश्वरला दर्शनासाठी जाणाऱ्या भाविकांची जीप दरीत कोसळली, 7 महिलांचा मृत्यू अन्..

हल्ला झाल्यानंतर मलाही रुग्णालयात दाखल करण्यात आलं. दरम्यान, पोलिसांनी याप्रकरणाचा कसून तपास केला असता सत्य उघडकीस आलं. तपासात उघडकीस आलं की, रोहितचं पत्नी संजूसोबत जमत नव्हतं. संजूला तो पसंत करत नव्हता. त्याची दुसऱ्या महिलेसोबत मैत्री वाढली होती. त्यामुळे पत्नीचं टेन्शन वाढलं होतं.