पत्नीला घर मालकासोबत आक्षेपार्ह स्थितीत पाहिलं, अन् नंतर भयानक कांड घडलं!

Crime News : उत्तर प्रदेशातील बरेलीमध्ये धक्कादायक घटना समोर आली आहे. पत्नीने आपल्या पतीलाच अॅसिड पाजल्याचा आरोप असून, रुग्णालयात उपचारादरम्यान त्याचा मृत्यू झाला. पतीने पत्नीला तिच्या प्रियकरासोबत आक्षेपार्ह अवस्थेत पाहिल्यामुळे हा प्रकार घडल्याचे कुटुंबीयांचे म्हणणे आहे. मृत्यू होण्यापूर्वी इसराइल याने पोलिसांना जबाब देत घडलेल्या संपूर्ण प्रकाराची माहिती दिली होती. ही घटना बारादरी पोलीस ठाण्याच्या हद्दीतील जोगी नवादा परिसरातील असल्याचे सांगण्यात आले आहे. इसराइल याचा गौसियासोबत 13 वर्षांपूर्वी विवाह झाला होता. सुरुवातीची काही वर्षे दोघांचे वैवाहिक जीवन सुरळीत होते. मात्र, त्यानंतर कुटुंबात वाद सुरू झाले. कुटुंबातील वाटणी झाल्यानंतर इसराइलच्या आईने त्याला हिस्सा दिला होता. काही दिवसांनी इसराइलने घर सोडून भाड्याच्या घरात राहण्यास सुरुवात केली.