सरकारी कार्यालयातील महिलांच्या टॉयलेटमध्ये हिडन कॅमेरा.., अन् पुढे काय घडलं?
Crime News : एका सरकारी कार्यालयातील महिलांच्या स्वच्छतागृहात हिडन कॅमेरा लावण्यात आला होता, हा प्रकार उघडकीस आल्यानतंर खळबळ उडाली आहे. हा धक्कादायक प्रकार समोर येताच पोलिसांनी तातडीने गुन्हा दाखल केला असून, या प्रकरणाचा तपास सुरू आहे.
ADVERTISEMENT
बातम्या हायलाइट
सरकारी कार्यालयातील महिलांच्या टॉयलेटमध्ये हिडन कॅमेरा..
अन् पुढे काय घडलं?
Crime News : एका सरकारी कार्यालयातील महिलांच्या स्वच्छतागृहात एक लपवलेला कॅमेरा आढळून आल्याने संपूर्ण कर्मचारी वर्गात भीती आणि संतापाचे वातावरण निर्माण झाले आहे. ही घटना गुरुवारी सकाळी उघडकीस आली, जेव्हा वित्त विभागातील महिला कर्मचारी या स्वच्छतागृहात गेल्या होत्या. तिथे त्यांना एक संशयास्पद उपकरण अचानक जमिनीवर पडलेले दिसले. हे उपकरण पाहून त्यांना काहीतरी गंभीर प्रकार असल्याचे जाणवले आणि त्यांनी तात्काळ वरिष्ठ अधिकाऱ्यांना या प्रकाराची माहिती दिली. त्यानंतर कार्यालयात एकच खळबळ उडाली आणि घटनेचे गांभीर्य ओळखून पोलिसांनी तातडीने घटनास्थळी धाव घेतली. पोलिसांनी हे संशयास्पद उपकरण जप्त केले असून, याप्रकरणी गुन्हा दाखल करून तपास सुरू केला आहे.
पोलिसांच्या टीमकडून तांत्रिक पुराव्यांची तपासणी
या प्रकरणाची गंभीरता लक्षात घेता, पोलिसांनी तपास कार्याला वेग दिला आहे. कार्यालयातील सीसीटीव्ही फुटेज तपासले जात असून, घटनेच्या वेळी संबंधित परिसरात कोणाची वर्दळ होती आणि कोणाच्या हालचाली संशयास्पद होत्या, याचा शोध घेतला जात आहे. पोलीस या प्रकरणात अंतर्गत कोणाचे हात आहेत का, या शक्यता नाकारत नाहीत. या तपासामध्ये आता डिजिटल फॉरेंसिक टीमलाही सामील करण्यात आले आहे. हे जप्त केलेले उपकरण नेमके काय होते, त्यात काही रेकॉर्डिंग झाले होते का किंवा यातील डेटा कुठल्या बाह्य उपकरणावर ट्रान्सफर करण्यात आला होता का, याची पडताळणी फॉरेंसिक टीमकडून केली जात आहे. कार्यालयासारख्या सार्वजनिक ठिकाणी महिलांच्या सुरक्षेशी आणि गोपनीयतेशी झालेला हा खेळ अत्यंत निषेधार्ह मानला जात आहे. ओडिशातील जगतसिंहपूर जिल्ह्यात असलेल्या जिल्हा ग्रामीण विकास संस्थेच्या (DRDA) कार्यालयातून हा अत्यंत गंभीर आणि धक्कादायक प्रकार समोर आला आहे.
हेही वाचा : वाशीम : नगरपालिका देखल घेईना, बापाला मुलांसाठी ड्रेनेजमध्ये उतरण्याची वेळ
