गरोदर बायकोचा मृतदेह घरात ठेवून नवऱ्याने पळ काढला, आई रक्ताच्या थारोळ्यात असताना चिमुकली मिठी मारुन बसली
Crime News : मूळची बिहारमधील नालंदा येथील रहिवासी असलेली 22 वर्षीय चांदनी हिचा विवाह तीन वर्षांपूर्वी विपिन याच्याशी झाला होता. त्यांना दीड वर्षांची एक मुलगी आहे. चांदनी चार महिन्यांची गर्भवती होती. विपिन मजुरीचे काम करत होता. पंधरा दिवसांपूर्वीच तो खोड़ा येथील नवनीत विहार परिसरात पूनम नावाच्या महिलेच्या घराच्या दुसऱ्या मजल्यावरील खोलीत भाड्याने राहायला आला होता.
ADVERTISEMENT
बातम्या हायलाइट
गरोदर बायकोचा मृतदेह घरात ठेवून नवऱ्याने पळ काढला
आई रक्ताच्या थारोळ्यात असताना चिमुकली मिठी मारुन बसली
Crime News : उत्तर प्रदेशातील गाझियाबाद जिल्ह्यातील खोड़ा परिसरात रविवारी रात्री एक धक्कादायक घटना उघडकीस आली. चार महिन्यांची गर्भवती असलेल्या महिलेचा मृतदेह तिच्या भाड्याच्या खोलीत रक्तबंबाळ अवस्थेत आढळून आल्याने परिसरात खळबळ उडाली आहे. विशेष म्हणजे हा मृतदेह तब्बल दोन दिवस खोलीत पडून होता आणि तिची दीड वर्षांची निष्पाप मुलगी आईच्या छातीशी बिलगलेली होती. घटनेनंतर पती फरार झाला असून, माहेरच्या नातेवाईकांनी ही हुंडाबळीची घटना असल्याचा आरोप करत पोलिसांत गुन्हा दाखल केला आहे.
मूळची बिहारमधील नालंदा येथील रहिवासी असलेली 22 वर्षीय चांदनी हिचा विवाह तीन वर्षांपूर्वी विपिन याच्याशी झाला होता. त्यांना दीड वर्षांची एक मुलगी आहे. चांदनी चार महिन्यांची गर्भवती होती. विपिन मजुरीचे काम करत होता. पंधरा दिवसांपूर्वीच तो खोड़ा येथील नवनीत विहार परिसरात पूनम नावाच्या महिलेच्या घराच्या दुसऱ्या मजल्यावरील खोलीत भाड्याने राहायला आला होता.
हेही वाचा : मोठी बातमी! राष्ट्रवादी काँग्रेसच्या अध्यक्षपदी सुनेत्रा पवार? तारीखही ठरली, फक्त औपचारिकता बाकी
शेजारीण प्रमिला हिने दिलेल्या माहितीनुसार, गेल्या दोन दिवसांपासून चांदनी व तिची मुलगी घराबाहेर दिसत नव्हत्या. दरम्यान रविवारी सायंकाळी चांदनीचा दीर नितीन उर्फ नितीश हा त्या खोलीत आला. तो काही वेळ आत गेला आणि घाईघाईने बाहेर पडून निघून गेला. यानंतर त्याने चांदनीच्या बहिणीला घटनेची माहिती दिली.
हे वाचलं का?
