विवाहित प्रियकरावर लग्नासाठी दबाव टाकणे जीवावर बेतले, बेबीची क्रूरपणे हत्या

Crime News : लग्नाच्या दबावावरून विवाहित महिलेची तिच्याच प्रियकराने हत्या केल्याचा आरोप आहे. मृत महिलेच्या नातेवाईकांनी आरोपीच्या एन्काउंटर आणि फाशीची मागणी करत रास्ता रोको केला.

ADVERTISEMENT

Crime News
Crime News
Google CTA
▌

बातम्या हायलाइट

point

विवाहित प्रियकरावर लग्नासाठी दबाव टाकणे जीवावर बेतले

point

, बेबीची क्रूरपणे हत्या

Crime News : बुलंदशहरच्या खुर्जा येथील शिवलोक कॉलनीत प्रेमसंबंधातून एका महिलेची हत्या झाल्याची घटना समोर आली आहे. पोलिसांच्या माहितीनुसार, बेबी नावाची विवाहित महिला तिच्याच विवाहित प्रियकर अजितसोबत लग्न करू इच्छित होती. ती अजीतवर लग्नासाठी सातत्याने दबाव टाकत होती. मंगळवारी रात्री दोघांची भेट झाली. यावेळी लग्नाच्या मुद्द्यावरून त्यांच्यात वाद झाला. आरोप आहे की, याच वादातून अजितने बेबीवर चाकूने अनेक वार केले. या हल्ल्यात गंभीर जखमी झालेल्या बेबीचा मृत्यू झाला. पोलिसांनी आरोपी अजितला अटक केली आहे.

हेही वाचा : मान्सून अपडेट: पाऊस आता देणार हुलकावणी? पाहा नेमका कशाचा होतोय परिणाम

बेबी स्वतःही मजुरीचे काम करत होती

मृत बेबी ही दिल्लीची रहिवासी होती. तिचे लग्न पंकज याच्यासोबत झाले होते. पंकज नेहरूपूर गावात हलवाईचे काम करतो. बेबी आणि पंकज यांना चार मुले आहेत. बेबी स्वतःही मजुरीचे काम करत होती. बेबीच्या घरापासून सुमारे 200 मीटर अंतरावर अजित राहत होता. अजितही विवाहित आहे. मात्र, सुमारे तीन वर्षांपूर्वी झालेल्या वादानंतर त्याची पत्नी त्याला सोडून गेली होती. अजितला दोन मुली असून त्या त्यांच्या काकांसोबत राहतात. पत्नी गेल्यानंतर अजित एकटाच राहत होता. याच काळात बेबी आणि अजित यांच्यात जवळीक वाढली आणि दोघांमध्ये प्रेमसंबंध निर्माण झाले. बेबीचे अजितच्या खोलीवर येणे-जाणेही होते.

हेही वाचा : Personal Finance: मुंबईत स्वत:च घर घेऊन EMI भरावा की Rent वर राहून SIP करावी?

अजितवर लग्नासाठी टाकला दबाव.. 

पोलिसांच्या प्राथमिक तपासानुसार, बेबीला अजितसोबत लग्न करायचे होते आणि ती त्याच्यावर लग्नासाठी दबाव टाकत होती. मात्र, अजित लग्नासाठी तयार नव्हता. मंगळवारी रात्री अजीतने बेबीला फोन करून आपल्या खोलीवर बोलावले होते. दोघांमध्ये सुरुवातीला बातचीत झाली. मात्र, पुन्हा लग्नाचा विषय निघाल्यानंतर वाद सुरू झाला. आरोप आहे की, याच वेळी अजितने चाकू उचलून बेबीवर एकापाठोपाठ अनेक वार केले. बेबी गंभीर जखमी झाली. तिच्या आरडाओरडीनंतर आसपासच्या लोकांना घटनेची माहिती मिळाली आणि पोलिसांना कळवण्यात आले. पोलिस घटनास्थळी पोहोचेपर्यंत बेबीचा मृत्यू झाला होता. पोलिसांनी घटनास्थळाची पाहणी करून आवश्यक पुरावे गोळा केले आणि मृतदेह शवविच्छेदनासाठी पाठवला.

खुर्जाचे सीओ शोभित कुमार यांनी शिवलोक कॉलनीत महिलेच्या हत्येची माहिती मिळाल्यानंतर पोलीस तातडीने घटनास्थळी पोहोचल्याचे सांगितले. प्राथमिक तपासात अजीतने वादाच्या वेळी चाकूने वार करून बेबीची हत्या केल्याचे समोर आल्याचे पोलिसांनी सांगितले. आरोपी पोलिसांच्या ताब्यात असून खुर्जा नगर पोलीस ठाण्याचे पथक आवश्यक कायदेशीर कारवाई करत आहे. दरम्यान, बुधवारी संध्याकाळी शवविच्छेदनानंतर बेबीचा मृतदेह अंत्यसंस्कारासाठी नेत असताना तिच्या नातेवाईकांनी आरोपीच्या एन्काउंटरची आणि त्याला फाशी देण्याची मागणी केली. काही काळ लोकांनी रस्ताही अडवला. पोलिस घटनास्थळी पोहोचले आणि आरोपीविरोधात कठोर कारवाईचे आश्वासन दिल्यानंतर आंदोलन संपले व रस्ता खुला झाला. सध्या या प्रकरणाचा तपास सुरू असून हत्येचे नेमके कारण आणि घटनेशी संबंधित इतर बाबींची चौकशी केली जात आहे.