वैद्यकीय शिक्षण घेत असलेली तरुणी मित्रोसोबत हॉटेलमध्ये गेली, अन् दोन दिवसांनी मृतदेह आढळला

Crime News, हैदराबाद :  वैद्यकीय शिक्षण घेत असलेल्या  27 वर्षीय पदव्युत्तर विद्यार्थिनीचा हैदराबादमधील एका हॉटेलच्या खोलीत मृतदेह आढळला. कोमाटी सृजना असे या विद्यार्थिनीचे नाव असून, ती हनमकोंडा जिल्ह्यातील वैद्यकीय महाविद्यालयात बालरोगशास्त्र विषयात पदव्युत्तर शिक्षण घेत होती. सृजनाच्या कुटुंबीयांना तिच्याशी संपर्क होत नसल्याने त्यांनी पोलिसांकडे धाव घेतली. त्यानंतर पोलिसांनी तिच्या मोबाईल फोनचे ठिकाण शोधले असता ते हैदराबादमधील मियापूर परिसरातील एका हॉटेलमध्ये असल्याचे समोर आले. पोलिसांनी हॉटेलमधील एका खोलीत पलंगावर सृजनाचा मृतदेह आढळून आला. मृतदेह कुजलेल्या अवस्थेत असल्याचे पोलिसांनी सांगितले.