17 वर्षीय तरूणीवर अत्याचार, वडील आणि भावाची हत्या आईचा अर्धवट जळालेला मृतदेह अन्...

नेमकी घटना काय?

ही भयावह क्राईम स्टोरी 2008 मध्ये सीतामढी जिल्ह्यातील महुआवा टोला या छोट्या गावातून सुरू झाली. मुलीचे वडील राजीव कुमार सिंह हे शाळेतील शिक्षक होते. गावात ‘पत्रकार’ म्हणून आलेल्या मोहम्मद शमीम अख्तरशी त्यांची ओळख झाली. तो वारंवार त्यांच्या घरी जाऊ लागला, घरच्यांचा विश्वास संपादन केला आणि घरातील स्त्री-पुरुषांमध्ये मतभेद निर्माण केले. एका रात्री त्याने राजीव यांना नातेवाईक आजारी असल्याचे सांगून बाहेर बोलावले आणि आपल्या साथीदारांच्या मदतीने त्यांचा गळा दाबून हत्या केली. लवकरच राजीव यांचा 11 वर्षीय मुलगा अमनदीपही रहस्यमयरीत्या मृत अवस्थेत सापडला.

हेही वाचा : 40 लोकांना अश्लील मॅसेज पाठवण्यात आल्याचा दावा, अमरावतीतील माजी न्यायाधीशाकडून 31 लाख रुपये लुबाडले अन्...

पती आणि मुलाच्या मृत्यूनंतर पत्नी आणि 17 वर्षीय मुलगी मानसिक धक्क्यात होत्या. शमीम त्यावेळी ‘मदतीचा हात’ म्हणून त्यांच्या आयुष्यात आला. 2009 मध्ये त्याने दोघींनाही पूर्वी चंपारणच्या ढाका येथील गांधी नगर भागात एका भाड्याच्या घरात नेले. काही काळाने रीना गायब झाली. महिनाभरानंतर जवळच्या शेतात एक अधजळालेला स्त्री मृतदेह सापडला, जो रीना हिचाच असल्याची शक्यता व्यक्त झाली, मात्र पोलीस त्याची अधिकृत ओळख पटवू शकले नाहीत.

यानंतर 17 वर्षीय मुलगी एकटी राहिली. शमीमने तिचं जगाशी नातं तोडलं. तिचा मोबाइल हिसकावून घेतला आणि तिला एका बंद घरात कैद केलं. दरवाज्याला बाहेरून दोन कुलुपं लावली जात. रोज वेगवेगळे लोक येऊन तिच्यावर अत्याचार करत. नशेची औषधं, इंजेक्शन देऊन तिला बेशुद्ध केलं जात असे. या अमानुष कृत्यात शमीम अख्तरसोबत राजू मियां, इसरार मियां, माजिद, अमित आणि चंदन या सहा जणांचा सहभाग होता. 24 फेब्रुवारी 2015 रोजी वाहन चोरीच्या तपासात पोलीस जेव्हा त्या घरात छापा मारण्यासाठी गेले, तेव्हा त्यांना बंद दरवाज्याच्या मागे सडलेल्या वासाने धक्का बसला. कुलुपं तोडून आत गेल्यावर फाटकी कपडे घातलेली, अशक्त आणि अर्धवट शुद्धीत असलेली 17 वर्षी मुलगी सापडली. घरभर मलमूत्राचे डाग, दुर्गंधी आणि अत्याचारांचे स्पष्ट पुरावे होते. पोलिसांनी तिला रुग्णालयात दाखल केलं.