बॉयफ्रेंडसोबत दारुपार्टी अन् मौजमजा, 'त्या' कारणाने आत्याचा बळी, काय घडलं?
Crime News : घरातील विश्वासाचा गैरफायदा घेत विवाहित पुतणीने प्रियकरासोबत मिळून सख्ख्या आत्याच्या हत्येचा कट रचल्याचा आरोप समोर आला आहे. पोलिसांनी तांत्रिक पुराव्यांच्या आधारे दोन्ही आरोपींना अटक केली असून चोरीचा मुद्देमालही जप्त केला आहे.
ADVERTISEMENT
बातम्या हायलाइट
बॉयफ्रेंडसोबत दारुपार्टी अन् मौजमजा
'त्या' कारणाने आत्याचा बळी, काय घडलं?
Crime News : राजस्थानमधील सांभर येथे एका कुटुंबातील विश्वासाचाच गैरफायदा घेत महिलेच्या हत्येचा कट रचल्याचा धक्कादायक प्रकार समोर आला आहे. पोलिसांच्या माहितीनुसार, ज्या पुतणीवर घरातील सर्वजण विश्वास ठेवत होते, तिनेच आपल्या प्रियकरासोबत मिळून सख्ख्या आत्याच्या हत्येचे षड्यंत्र रचले. घरातील कपाट कुठे आहे, चावी कुठे ठेवली जाते, दागिने आणि रोख रक्कम कोणत्या ठिकाणी ठेवली जाते, याची संपूर्ण माहिती आरोपी पुतणीला होती. याच माहितीचा वापर करून दोघांनी ही संपूर्ण योजना आखल्याचा आरोप पोलिसांनी केला आहे.
हेही वाचा : हिंगोलीत आयुष्य संपवलेल्या मुलाच्या आईची Abhijit Dipke यांच्याकडून काय अपेक्षा?
ही घटना 30 जुलै रोजी घडली. सांभरमधील तेज्या का बास परिसरात राहणारे प्रकाश नारायण शर्मा यांनी पोलिसांकडे तक्रार दाखल केली की, त्यांच्या सासू कमला देवी यांची हत्या करण्यात आली असून घरातील सोन्या-चांदीचे दागिने आणि रोख रक्कम चोरीला गेली आहे. सुरुवातीला ही घटना लुटीनंतर झालेल्या हत्येची असल्याचे वाटत होते. त्यानंतर पोलिसांनी सीसीटीव्ही फुटेज तपासले, तांत्रिक पुरावे गोळा केले तसेच सायबर सेलची मदत घेत तपास सुरू केला. तपासाची दिशा हळूहळू मृत महिलेची पुतणी ललिता हिच्याकडे वळली.
हेही वाचा : मुंबईची खबर : शासकीय रुग्णालयांतील डॉक्टर्सचे आंदोलन, 'या' सेवा आजपासून बंद