हिंगोलीत आयुष्य संपवलेल्या मुलाच्या आईची Abhijit Dipke यांच्याकडून काय अपेक्षा?

neet paper leak : हिंगोली येथील एका विद्यार्थ्याने नीट परीक्षेच्या पेपरफुटीच्या घटनेनंतर आत्महत्या केल्याचा आरोप करत त्याच्या आईने कॉकरोच जनता पार्टीचे संस्थापक अभिजीत दीपके यांची भेट घेत मदतीची मागणी केली. आपल्या मुलाने नीटची परीक्षा दिल्यानंतर पेपरफुटीची माहिती समजल्यापासून तो मानसिकदृष्ट्या अस्वस्थ झाला होता, असा दावा त्यांनी केला. त्या म्हणाल्या की, मुलगा दिवसाला 16 ते 17 तास अभ्यास करत होता आणि डॉक्टर होण्याचे त्याचे स्वप्न होते. पेपरफुटीची माहिती मिळाल्यानंतर त्याने आपला इतका अभ्यास व्यर्थ गेल्याची भावना व्यक्त केली होती. त्यावेळी आपण त्याला पुन्हा एक वर्ष अभ्यास करून परीक्षा देता येईल, असे समजावून सांगितले होते. मात्र त्यानंतर तो शांत राहू लागला, बोलणे कमी झाले आणि त्याने जेवणही सोडल्याचे त्यांनी सांगितले.