माझा बॉयफ्रेंडही आपल्यासोबत राहणार, बायकोने ठेवली अट; पुढे काय घडलं?

Crime News : राजकुमार कुशवाह नामक व्यक्तीने आपल्या पत्नीपासून जिवाला धोका असल्याची गंभीर तक्रार पोलीस अधीक्षकांकडे (एसपी) केली आहे. 2008 मध्ये पूनम कुशवाहशी हिंदू रितीरिवाजांनुसार लग्न झाल्यानंतर त्यांचे वैवाहिक आयुष्य सुरुवातीच्या काळात अतिशय सुखात होते. त्यांना तीन मुली आणि एक मुलगा अशी चार मुले आहेत. सुरुवातीची काही वर्षे सर्व काही सामान्य सुरू होते, परंतु नंतरच्या काळात त्यांच्या नात्यात दुरावा निर्माण झाला. यावर्षी 22 जानेवारी रोजी पूनम अचानक कोणालाही काहीही न सांगता घर सोडून निघून गेली. तिच्या नातेवाईकांनी आणि पतीने तिची सर्वत्र शोधाशोध केली, परंतु तिचा कोणताही थांगपत्ता लागला नाही. तब्बल दोन महिने शोधाशोध केल्यानंतर मार्च महिन्यात ती अचानक घरी परतली. घरी परतल्यावर तिची विचारपूस केली असता, तिने जे कबूल केले ते ऐकून राजकुमारच्या पायाखालची जमीनच सरकली. तिने सांगितले की, ती 'आशु' उर्फ कमल सेन नावाच्या एका व्यक्तीसोबत प्रेमसंबंधात आहे आणि गेल्या दोन महिन्यांपासून ती त्याच्यासोबतच राहत होती.