महिला डॉक्टरचा मृतदेह आढळला; पतीवर विवाहबाह्य संबंध असल्याचा आरोप
Crime News : एका महिला डॉक्टरचा संशयास्पद मृत्यू झाला असून, माहेरच्या मंडळींनी पतीवर छळवणूक, आर्थिक फसवणूक आणि अनैतिक संबंधांचे गंभीर आरोप केले आहेत.
ADVERTISEMENT
बातम्या हायलाइट
महिला डॉक्टरचा मृतदेह आढळला
पतीवर विवाहबाह्य संबंध असल्याचा आरोप
Crime News : एका महिला डॉक्टरच्या मृत्यूनंतर एकच खळबळ उडाली आहे. सरकारी रुग्णालयात कार्यरत असलेल्या डॉ. मीनाक्षी सूद यांचा मृतदेह बुधवारी सकाळी राहत्या घरी आढळला. या घटनेनंतर मृताच्या वडिलांनी दिलेल्या तक्रारीच्या आधारावर पोलिसांनी भारतीय न्याय संहिता (BNS) कलम 106 अंतर्गत गुन्हा दाखल केला असून तपास सुरू केला आहे. आपल्या मुलीचा छळ केल्याचा आणि तिला आत्महत्येस प्रवृत्त केल्याचा आरोप माहेरच्या मंडळींनी पती डॉ. पियुष सूद यांच्यावर केला आहे, ज्यामुळे या प्रकरणाचे गांभीर्य अधिकच वाढले आहे.
हेही वाचा : Personal Finance: 'हे' कागद नसतील तर अजिबात खरेदी करू नका तशी शेतजमीन!
पत्नीच्या नावावर कोट्यावधींचे कर्ज काढले
पीडित कुटुंबाने लावलेल्या आरोपानुसार, डॉ. पियुष सूद यांनी डॉ. मीनाक्षी यांच्या नावावर परस्पर कोट्यवधी रुपयांची कर्जे काढली होती. मीनाक्षी यांनी जेव्हा घरासाठी कर्ज घेण्याचा विचार केला, तेव्हा त्यांना त्यांच्या नावावर सुमारे 2.5 कोटी रुपयांचे कर्ज असल्याचे समजले, ज्यावर त्यांच्या स्वाक्षऱ्याही नव्हत्या. याशिवाय, लग्नानंतर काही काळानंतरच पती डॉ. पियुष यांचे त्यांच्या रुग्णालयात काम करणाऱ्या एका महिलेशी अनैतिक संबंध असल्याचेही कुटुंबाचे म्हणणे आहे. यांसारख्या कौटुंबिक कलहामुळे मीनाक्षी जुलै 2025 पासून पतीपासून वेगळ्या राहत होत्या आणि घटस्फोट घेण्याच्या विचारात होत्या, अशी माहिती समोर आली आहे.
हेही वाचा : सांगली : फोटोग्राफरकडून घेत होता 50 हजारांची लाच, नगरपरिषदेतील अधिकारी ACB च्या जाळ्यात
