दरोडेखोरांना ओळखले अन् सगळं संपलं

पोलिसांनी दिलेल्या माहितीनुसार, गुन्हेगारांनी अतिशय नियोजनबद्ध पद्धतीने हा गुन्हा केला. चोरी करण्यासाठी प्रीती कुमार यांच्या घरात शिरण्यापूर्वी दरोडेखोरांनी शेजाऱ्यांच्या घरांचे कडी-कोयंडे बाहेरून लावून घेतले, जेणेकरून कोणीही मदतीला बाहेर येऊ नये. त्यानंतर त्यांनी घरात प्रवेश करून मौल्यवान वस्तूंची चोरी करण्यास सुरुवात केली. दरम्यान, प्रीती कुमार यांना जाग आली आणि त्यांनी दरोडेखोरांना ओळखल्याची शंका आल्यामुळे, आरोपींनी त्यांचे हात बांधून त्यांची हत्या केली व मुद्देमालासह पळ काढला.

हे ही वाचा : बायकोच्या माहेरच्या मंडळींनी सॉफ्टवेअर इंजीनिअर जावयाला संपवलं अन्..

संशयितांची चौकशी सुरु

या घटनेचा तपास करण्यासाठी पोलिसांची अनेक पथके तैनात करण्यात आली आहेत. शुक्रवारी पहाटे घडलेल्या या घटनेनंतर रविवारी सकाळी 10 वाजेपर्यंत तरी या प्रकरणात कोणतीही अधिकृत अटक झाली नव्हती. पोलिस सध्या परिसरातील सर्व सीटीटीव्ही (CCTV) फुटेजची तपासणी करत असून संशयितांची चौकशी करत आहेत. तसेच चोरीला गेलेला मुद्देमाल जप्त करण्यासाठी विविध ठिकाणी छापे मारले जात आहेत.

हे ही वाचा : कावड यात्रेत DJ वाहनांची धडक; एकाचा मृत्यू; Video व्हायरल

15 दिवसांपूर्वी केले होते फर्निचरचे काम

तपासादरम्यान पोलिस या दिशेनेही विचार करत आहेत की, आरोपी हे प्रीती कुमार किंवा त्यांच्या घराशी आधीपासूनच परिचित असावेत. घटनेच्या 15 दिवसांपूर्वीच त्यांच्या घरातील खिडक्या, दरवाजे आणि फर्निचरच्या दुरुस्तीचे काम झाले होते, त्यामुळे या कामात गुंतलेल्या कामगारांचीही कसून चौकशी केली जात आहे. शिवाय, त्यांच्या दरवाजाची कडी सैल असल्याचा फायदा गुन्हेगारांनी घेतला असावा असा संशय असून 48 तासांनंतरही पोलिसांना ठोस यश मिळालेले नाही.