धाराशिव : चारित्र्यावर संशय,बेरोजगार इंजिनिअरने केला पत्नीचा खून; चिमुकल्याच्या डोळ्यादेखत संपवलं

Dharashi Crime News, गणेश जाधव : कळंब शहर परिसरात पत्नीच्या चारित्र्यावर संशय घेत पतीने तिची दगडाने ठेचून हत्या केल्याचा प्रकार समोर आलाय. गणेश शिवाजी टेकाळे याच्यावर पत्नी कोमल हिच्या हत्येचा संशय असून, घटनेनंतर तो फरार झाल्याची माहिती आहे. हत्येपूर्वी पत्नीच्या कथित अनैतिक संबंधांबाबतचा व्हिडिओ रेकॉर्ड केल्याचे आणि तो नातेवाईकांसह इतरांना पाठवल्याचे सांगण्यात येत आहे. त्यानंतर दोघांमध्ये वाद झाला. बुधवारी दुपारी सुमारे अडीच ते तीन वाजण्याच्या सुमारास पती-पत्नीमध्ये जोरदार वाद झाल्याची प्राथमिक माहिती आहे. त्यानंतर सायंकाळी सुमारे सहा वाजण्याच्या सुमारास आरोपीने कोमलला दुचाकीवर बसवून कळंब-येरमाळा मार्गावरील हासेगाव (केज) परिसरातील ज्वारीच्या शेतात नेल्याचे प्राथमिक तपासात समोर आले आहे.