प्राध्यापकाच्या हत्येने लातूर हादरलं, बहिणीसोबत प्रेमसंबंध असल्याचा संशय, 2 भावांनी मिळून संपवलं

Latur professor murder case : लातूरमध्ये बहिणीसोबत प्रेमसंबंध असल्याच्या संशयातून दोन भावांनी मिळून 32 वर्षीय प्राध्यापक नितीन धनजी संगमे यांची हत्या केल्याची घटना उघडकीस आलीये. दोन भावांनी आपल्या दोन मित्रांसोबत मिळून ही हत्या केल्याचा आरोप आहे. 4 ऑक्टोबर रोजी सायंकाळी साडेचारच्या सुमारास कनेरी चौक परिसरातून नितीन यांचे अपहरण करण्यात आले. त्यानंतर त्यांना बर्दापूर गावातील स्टोन क्रशर प्रकल्पावर नेण्यात आले. पोलिसांनी दिलेल्या माहितीनुसार, पृथ्वीराज देशमुख आणि धवल देशमुख यांनी प्रथमेश रेड्डी आणि आदित्य भालके यांच्या मदतीने ही घटना घडवून आणली. चारही आरोपी नितीन यांना MH 24 CD 7474 क्रमांकाच्या SUV मधून स्टोन क्रशर प्रकल्पावर घेऊन गेले होते.