पूजाचे शिवा आणि सुमितसोबत होते शारीरिक संबंध.. 'त्या' Video मुळे झाला सगळा झांगडगुत्ता

पूजाने सुमितसोबत केलं मोठं कांड

कानपूरच्या रावतपूरमध्ये राहणारा सुमित रविवारच्या रात्री अचानक घरातून बेपत्ता झाला. सुमितचं शेजारीच राहणाऱ्या पूजा नावाच्या तरुणीसोबत अफेअर सुरु होतं. कुटुंबियांना वाटलं की, सुमित पूजालाच भेटण्यासाठी गेला आहे. पण तो घरी परतलाच नाही. उशिरा रात्री कुटुंबियांनी त्याचा शोध सुरु केला. त्यानंतर कुटुंबियांना पूजावर संशय आला. पूजाचे वडील दोन दिवसांपूर्वीच सुमितच्या घरी आले होते आणि त्यांनी कुटुंबियांना धमकावलं होतं. त्यांचं म्हणणं होतं की, सुमित त्यांच्या मुलीला त्रास देत आहे आणि जबरदस्ती तिच्यासोबत लग्न करत आहे.

सुमितचा मृतदेह सापडला अन्..

पोलीस या प्रकरणाचा तपास करत होते. असं असताना बुधवारी सोसायटीतील रिकाम्या फ्लॅटमध्ये सुमितचा मृतदेह आढळला. सुमितला फोन करण्याआधी पूजाने शिवा नावाच्या तरुणाला 39 वेळा फोन केला होता. पोलिसांनी मृतदेह पोस्टमार्टमसाठी पाठवला होता. पीडित कुटुंब पूजावर संशय घेत होते. पण पूजाने आरोपांचं खंडन करण्याचा प्रयत्न केला.

हे ही वाचा >> "तुला स्वयंपाक येत नाही चल घरून 20 लाख घेऊन ये..." पुण्यात हुंड्यासाठी छळ अन् अखेर पीडितेनं...

पोलिसांनी केला खळबळजनक खुलासा

पोलिसांनी तपासादरम्यान पूजाचा फोन रेकॉर्ड तपासला. पूजानेच सुमितला बोलावलं होतं. सुमितला फोन करण्याआधी पूजाने शिवा नावाच्या मुलाला 39 वेळा फोन केला होता. तपासात उघडकीस आलंय की, पूजा, सुमित आणि शिवा एकाच कंपनीत काम करतात. त्यानंतर पोलिसांनी पूजा आणि सुमितला ताब्यात घेतलं आणि त्यांच्याकडे कसून तपास केला.