इन्स्टाग्राम इन्फ्ल्युएन्सर अनामिकावर पतीनेच झाडल्या गोळ्या, व्हिडीओ व्हायरल
इन्स्टाग्राम इन्फ्ल्युएन्सर अनामिका बिश्नोईवर तिच्या पतीनेच गोळी झाडून हत्या केल्याची दुर्देवी घटना घडली आहे. या हत्येचा व्हिडीओ व्हायरल झाला असून आता पती फरार झाला आहे.
ADVERTISEMENT
बातम्या हायलाइट
इन्स्टाग्राम इन्फ्ल्युएन्सर अनामिकाची गोळी झाडून हत्या
इन्फ्ल्युएन्सर अनामिकावर पतीनेच झाडल्या गोळ्या
Rajasthan Falodi Crime: एकेकाळी इन्स्टाग्रामच्या प्रत्येक दुसऱ्या रीलमध्ये दिसणारी अनामिका बिश्नोई (Anamika Bishnoi) नेहमी आपल्या चाहत्यांना आणि फॉलोअर्सना आनंदी आणि मोकळेपणानं जीवन जगण्याचा सल्ला द्यायची. तिच अनामिका जी आपल्या सुंदर हास्यामुळे साऱ्यांनाच एक आनंदी राहण्याचा सल्ला देणारी आणि राजस्थानी (Rajasthani) पोशात दिसणारी अनामिकाने मात्र आता जगाचा निरोप घेतला आहे.
ती ज्या प्रमाणं अगदी छोट्या छोट्या गोष्टी सोशल मीडियावर टाकून सगळ्या गोष्टींची माहिती ती आपल्या फॉलोअर्संना द्यायची. त्याच सोशल मीडियावरून आता तिच्या हत्येचे फोटो सोशल मीडियाच्या माध्यमातून लोकांपर्यंत व्हायरल झाले आहेत. अनामिकाला अगदी जवळून गोळ्या घालण्यात आल्या आहेत, ती घटनाही सोशल मीडियावर व्हायरल झाली आहे.
इन्स्टाग्रामवर अनामिक बिश्नोईला एक लाखाच्यावर फॉलोअर्स होते. सोशल मीडियावरून तिला गोळ्या घातल्याचा जो व्हिडीओ व्हायरल झाला आहे, त्यामध्ये ती निवांत बसली असून ती मोबाईलमध्ये काही तरी करताना दिसत आहे. तर तिच्यासमोर असलेल्या टेबलवर लॅपटॉप आणि चहाचा कप आहे.
त्याचवेळी तिच्या समोर कोणीतरी आलेलं दिसत आहे. समोर असलेल्या माणसाबरोबर ती बोलत असतानाही दिसत आहे. तर तिच्या समोर असलेला व्यक्तीही तिच्यासोबत काही तरी बोलताना दिसत आहे. हे सर्व चालू असतानाच अनामिकाचं सगळं लक्ष मात्र तिच्या मोबाईलमध्ये असलेले दिसते. त्यानंतर अचानक एक व्यक्ती हातात पिस्तुल घेऊन काही क्षणात अनामिकावर गोळ्या झाडताना दिसून येत आहे.
हे वाचलं का?
