Bengaluru Murder Case:घरात ट्रॉली बॅग, सापडले 59 तुकडे! CCTV मधून मिळाला मोठा पुरावा, असं उलगडतंय महालक्ष्मीच्या हत्येचं गूढ...
Mahalakshmi Murder Case : एका थरकाप उडवणाऱ्या घटनेने संपूर्ण बंगळुरू हादरलं आहे. महालक्ष्मी नावाच्या एका 29 वर्षीय महिलेचा मृतदेह फ्रिजमध्ये सापडला, तोही तुकड्यांमध्ये... हे अतिशय भयानक दृश्य होतं
ADVERTISEMENT
बातम्या हायलाइट
मृतदेहाचे तब्बल 59 तुकडे!
महालक्ष्मीच्या पतीचा यापूर्वी अशरफ नावाच्या व्यक्तीवर संशय
अशरफचा हत्येशी कोणताही संबंध नाही
Mahalakshmi Murder Case : एका थरकाप उडवणाऱ्या घटनेने संपूर्ण बंगळुरू हादरलं आहे. महालक्ष्मी नावाच्या एका 29 वर्षीय महिलेचा मृतदेह फ्रिजमध्ये सापडला, तोही तुकड्यांमध्ये... हे अतिशय भयानक दृश्य होतं. आता हळूहळू हत्येचं गूढ उलगडतंय. पोलीस आरोपीचा तपास करत आहेत. पोलिसांनी दिलेल्या माहितीनुसार, बंगळुरूतून पळ काढण्यापूर्वी आरोपीने आपल्या भावाला महालक्ष्मीची हत्या केल्याचे सांगितले होते. आता आरोपीला पकडण्यासाठी बंगळुरू पोलिसांची पथके पश्चिम बंगाल आणि ओडिशात पाठवण्यात आली आहेत. दरम्यान, शवविच्छेदन अहवालात मृतदेहाचे 32 तुकडे नसून त्यापेक्षा कितीतरी जास्त तुकडे असल्याचे समोर आले आहे.
मृतदेहाचे तब्बल 59 तुकडे!
21 सप्टेंबर रोजी 29 वर्षीय महालक्ष्मीचा छिन्नविछिन्न मृतदेह शवविच्छेदनासाठी बंगळुरूतील बोवरिंग नावाच्या सरकारी रुग्णालयात नेण्यात आला होता. शवागारातील खोली आणि फ्रीजमधून सापडलेल्या मृतदेहाचे तुकडे मोजले असता, आरोपीने महालक्ष्मीचे 30-40 नव्हे तर 59 तुकडे केल्याचे उघड झाले. मृतदेहाचे इतके तुकडे पाहून शवागारातील कर्मचाऱ्यांनाही धक्का बसला.
हेही वाचा : India Today Conclave: 'आम्हीच ओरिजिनल म्हणणाऱ्यांना आम्ही...', CM शिंदेंचा उद्धव ठाकरेंवर निशाणा
महालक्ष्मीच्या खोलीत सापडली ट्रॉली बॅग
महालक्ष्मी बंगळुरूच्या व्यालिक्कवल भागात तीन मजली इमारतीत पहिल्या मजल्यावर राहत होती. 21 सप्टेंबर रोजी महालक्ष्मीच्या खोलीत फ्रिज आणि तिच्या मृतदेहाचे तुकडे विखुरलेले आढळले. सुमारे 19 दिवसांपूर्वी महालक्ष्मीची हत्या झाल्याचा संशय आहे. महालक्ष्मीच्या खोलीत ठेवलेली ट्रॉली बॅगही पोलिसांना सापडली. बंगळुरू पोलिसांच्या सूत्रांनी दिलेल्या माहितीनुसार, मृतदेहाचे तुकडे त्याच ट्रॉली बॅगेत ठेवून त्यांची विल्हेवाट लावण्याचा प्लॅन आरोपीने रचला असण्याची शक्यता आहे. मात्र हा परिसर अत्यंत गजबजलेला असल्याने बहुधा त्याला मृतदेहाच्या तुकड्यांची विल्हेवाट लावण्याची संधी मिळाली नाही.
खोलीतच हत्या करून मृतदेहाचे केले तुकडे
खोलीत केलेल्या तपासानंतर हत्या त्याच खोलीत झाली असून मृतदेहाचे तुकडेही तिथेच करण्यात आल्याचे पोलीस सूत्रांचे म्हणणे आहे. घटनास्थळाची पाहणी केल्यानंतर पोलिसांचे असेही म्हणणे आहे की, हत्या करून मृतदेहाचे तुकडे केल्यानंतर खोली आणि बाथरूम साफ करण्याचा प्रयत्न करण्यात आला. शवविच्छेदनानंतर मृतदेह महालक्ष्मीच्या कुटुंबीयांच्या ताब्यात देण्यात आला आहे. त्यानंतर बंगळुरूमध्येच तिच्या पार्थिवावर अंत्यसंस्कार करण्यात आले.
हे वाचलं का?
