ओळख, प्रेम अन् घात

पोलिसांनी दिलेल्या माहितीनुसार, पीडित विद्यार्थिनीची सुमारे एका वर्षापूर्वी कृष्णा खटवाणी नावाच्या तरुणाशी स्नॅपचॅटवर ओळख झाली होती. हळूहळू त्यांच्यात चॅटिंग आणि फोनवरून बोलणे वाढले. 22 सप्टेंबरच्या संध्याकाळी आरोपीने तिला भेटण्यासाठी बोलावले. मुलीने घरी कोचिंग क्लासला जात असल्याचे सांगितले आणि ती 5.15 च्या सुमारास घराबाहेर पडली. मात्र ती क्लासला न जाता आरोपीला भेटायला गेली, जिथून आरोपीने तिला जवळच असलेल्या एका हॉटेलमध्ये नेले.

हे ही वाचा : विवाहित महिलेचा चुलत भावावर जडला जीव, पण संसार थाटण्याचं स्वप्न जळून खाक!

हॉटेलमध्ये काय घडलं?

हॉटेलच्या खोलीत मुलीने विरोध करण्याचा प्रयत्न केला असता, आरोपीने तिला ब्लॅकमेल करण्यास सुरुवात केली. तिचे आक्षेपार्ह फोटो आणि व्हिडीओ व्हायरल करण्याची तसेच तिच्या वडिलांना दुखापत करण्याची धमकी देत त्याने तिच्यावर बलात्कार केला. या घटनेनंतर अत्यंत घाबरलेली ही मुलगी घरी परतली आणि तिने घडलेला सर्व प्रकार कुटुंबाला सांगितला. सुरुवातीला सामाजिक बदनामीच्या भीतीने कुटुंबीयांनी पोलिसांत जाण्याचे टाळले; मात्र अखेर धैर्य दाखवून त्यांनी 24 सप्टेंबर रोजी पोलिसांत धाव घेत तक्रार नोंदवली.

हे ही वाचा : आत्महत्या करू नये म्हणून पोरगा वडिलांना सोडेना, आदित्य ठाकरेंची पाच हजारांची मदत

आरोपी फरार

या तक्रारीवरून पोलिसांनी आरोपी कृष्णा खटवाणीविरोधात लैंगिक अपराधांपासून बालकांचे संरक्षण (POCSO) कायदा तसेच बलात्काराच्या संबंधित कलमांखाली एफआयआर दाखल केला आहे. पोलीस सध्या हॉटेल परिसरातील सीसीटीव्ही फुटेजची कसून तपासणी करत असून आरोपीच्या संभाव्य ठिकाणांवर छापे टाकत आहेत. फरार आरोपीचा शोध घेऊन त्याला लवकरात लवकर अटक करण्यासाठी विशेष पथके तैनात करण्यात आली आहेत.