मणिपूर : महिलांवर बलात्कार करणाऱ्या मुख्य आरोपीचं घर संतप्त जमावाने पेटवलं
व्हायरल झालेल्या व्हिडिओवरून पोलिसांनी त्याची ओळख पटवली असून त्यात तो हिरव्या रंगाचा टी-शर्ट घातलेला दिसत आहे. मणिपूर पोलिसांनी दिलेल्या माहितीनुसार, हेरादास हा या प्रकरणातील मुख्य आरोपी आहे.
ADVERTISEMENT
manipur viral video : मणिपूरमध्ये महिलांवर बलात्कार करणाऱ्या मुख्य आरोपीचे घर जमावाने जाळले आहे. ही घटना चेकमाई परिसरातील आहे. अचानक जमावाने आरोपीचे घर पेटवून दिले. त्याचा व्हिडिओही व्हायरल होत आहे, ज्यामध्ये तो फॉरवर्ड करणाऱ्यांपैकी बहुतांश महिला असल्याचं पाहायला मिळत आहे. खुयरुम हेरदास असे मुख्य आरोपीचे नाव आहे. (In Manipur, the house of one of the main accused of raping women has been burnt by the mob.)
मणिपूर हिंसाचारामुळे अशांत असून, त्यातच महिलांना विवस्त्र करून त्यांच्यावर अत्याचार केल्याच्या व्हिडिओने संतापाची लाट उसळली. याप्रकरणी मुख्य आरोपी खुयरुम हेरदासला पोलिसांनी गुरुवारी थौबल जिल्ह्यातून अटक केली होती. याप्रकरणी पोलिसांनी आतापर्यंत चार जणांना अटक केली आहे.
अन्य आरोपींचा शोध सुरू
हेरोदास 32 वर्षाचा आहे. व्हायरल झालेल्या व्हिडिओवरून पोलिसांनी त्याची ओळख पटवली असून त्यात तो हिरव्या रंगाचा टी-शर्ट घातलेला दिसत आहे. मणिपूर पोलिसांनी दिलेल्या माहितीनुसार, हेरादास हा या प्रकरणातील मुख्य आरोपी आहे. या व्हायरल व्हिडिओच्या आरोपींना पकडण्यासाठी पोलिसांची 12 पथके तयार करण्यात आली आहेत. त्यांना पकडण्यासाठी पोलिसांचे पथक सतत छापेमारी करत आहेत.
4 मे चा व्हायरल व्हिडिओ
आयटीएलएफच्या प्रवक्त्याने सांगितले की, हा व्हिडिओ कांगपोकपी जिल्ह्यातील 4 मे रोजीचा आहे. यामध्ये महिलांना नग्न अवस्थेत दाखवण्यात आले आहे. पुरुषांचा जमाव सतत पीडित महिलांचा विनयभंग करताना दिसत आहे. त्याचबरोबर पीडित महिला मदतीसाठी सतत याचना करत आहेत. गुन्हेगारांनी हा व्हिडिओ बनवल्यानंतर व्हायरलही केल्याचे त्यांनी सांगितले.
हे वाचलं का?
