मूलबाळ नसल्यामुळे बायको काळजीत

पीडित नदीम याने दिलेल्या माहितीनुसार, त्याचा विवाह शबनम हिच्याशी सुमारे साडेसात वर्षांपूर्वी झाला होता. या दांपत्याला अद्याप कोणतीही मूलबाळ झालेले नाही. यामुळे नदीम आपल्याला सोडून दुसरे लग्न करेल, असा शबनमच्या मनात सतत संशय आणि भीती होती. याच कारणावरून दोघांमध्ये नेहमी भांडणे व्हायची. याच रागातून आणि संशयातून शबनमने पतीला धडा शिकवण्याचा कट रचल्याचा आरोप आहे.

हे ही वाचा : मुंबई : IIT पवई कॅम्पसमध्ये रात्री आगीचा भडका! दोन चिमुकल्यासंह पाचजण होरपळले

रात्री काय घडलं?

8 ऑक्टोबरच्या रात्री नदीम कॉफी प्यायल्यानंतर झोपी गेला होता. त्याने केलेल्या आरोपानुसार, शबनमने त्याच्या कॉफीमध्ये गुंगीचे औषध मिसळले होते, ज्यामुळे त्याला गाढ झोप लागली. तो झोपेत असताना शबनमने त्याच्यावर चाकूने गुप्तांगावर वार केले. रात्री सुमारे 2 वाजता जेव्हा नदीमची शुद्ध हरपलेली अवस्थेत जाग आली, तेव्हा त्याला या भयानक प्रकाराची माहिती झाली. या घटनेनंतर शबनम तेथून पळून गेली, तर स्थानिक रहिवाशांनी गंभीर जखमी नदीमला तातडीने वैद्यकीय रुग्णालयात दाखल केले.

हे ही वाचा : कोल्हापुरात थरार! भरधाव कंटेनरची तीन दुचाकींना धडक, चौघांचा जागीच मृत्यू

पोलिसांनी काय सांगितलं?

याप्रकरणी पोलीस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार, पतीने दुसऱ्या महिलेशी मैत्री केल्याच्या संशयावरून पत्नीने हे कृत्य केले आहे. पोलिसांनी कारवाई करत आरोपी पत्नी शबनम हिला ताब्यात घेतले असून गुन्ह्यात वापरलेला चाकूही जप्त केला आहे. पोलीस या प्रकरणाचा पुढील कायदेशीर तपास करत आहेत.