नागपूर : इयत्ता 9 वी असताना ओळख झाली, नराधमाने 3 वर्षात केलं भयंकर कांड
Nagpur Crime News: नागपूरमधील मानकापूर परिसरात 20 वर्षीय युवकाने लग्नाचे आमिष दाखवून 17 वर्षीय अल्पवयीन विद्यार्थिनीवर वारंवार बलात्कार केल्याची धक्कादायक घटना उघडकीस आली असून, पीडित मुलगी गरोदर राहिल्याने हा प्रकार समोर आला आहे.
ADVERTISEMENT
बातम्या हायलाइट
नागपूर : इयत्ता 9 वी असताना ओळख झाली
नराधमाने 3 वर्षात केलं भयंकर कांड
Nagpur Crime News : नागपूर शहरातून एक अत्यंत संतापजनक घटना समोर आली आहे. एका 20 वर्षीय युवकाने 17 वर्षीय अल्पवयीन विद्यार्थिनीला लग्नाचे खोटे आमिष दाखवून तिच्यावर वारंवार लैंगिक अत्याचार केल्याचे उघड झाले आहे. ही पीडित मुलगी इयत्ता 12 वीमध्ये शिकणारी विद्यार्थिनी असून, काही दिवसांपूर्वी प्रकृती अचानक बिघडल्याने जेव्हा कुटुंबीयांनी तिला उपचारासाठी रुग्णालयात नेले. तेव्हा ती गरोदर असल्याचे निदान झाले. या धक्कादायक खुलासाने कुटुंबियांना मोठा धक्का बसला आणि संपूर्ण प्रकार उघडकीस आला. या घटनेमुळे परिसरात तीव्र संताप व्यक्त केला जात असून, नराधम आरोपीला पोलिसांनी त्वरित अटक केली आहे.
हेही वाचा : 14 वर्षीय मुलावर 40 वर्षीय महिलेचा जीव जडला, इन्स्टा लाईकने बहरले प्रेम; शेवटी काय घडलं?
मागील तीन वर्षांपासूनची ओळख, प्रेमाच्या जाळ्यात ओढलं
मिळालेल्या माहितीनुसार, या नराधम आरोपीची ओळख विवान खांडेकर (वय 20 वर्षे, रा. मानकापूर) अशी झाली आहे. विवान हा गुन्हेगारी प्रवृत्तीचा तरुण असून, त्याच्यावर यापूर्वी देखील मारामारीचे अनेक गुन्हे दाखल असल्याचे समोर आले आहे. आरोपी आणि पीडित मुलगी एकमेकांना मागील तीन वर्षांपासून ओळखत होते. सुरुवातीला त्यांच्यात मैत्री झाली, परंतु त्यानंतर आरोपीने हळूहळू तिला प्रेमाच्या जाळ्यात ओढले आणि तिच्याशी लग्न करण्याचे खोटे आश्वासन दिले. या विश्वासाचा गैरफायदा घेत आरोपीने पीडित मुलीच्या घरीच तिच्यावर अनेक महिने शारीरिक अत्याचार केले.
हेही वाचा : जळगाव : प्रेमी युगुल लॉजवर गेलं, अन् एकाची बॉडी सापडली; असं घडलं तरी काय?
