हे ही वाचा : क्रीडा विश्वावर शोककळा, सामना सुरु असतानाच अंपायरचा दुर्दैवी अंत, अनेक खेळाडू जखमी

बाजारात जाण्यासाठी निघाली, पण...

मध्य प्रदेशातील दतिया जिल्ह्यातील ही घटना आहे. मिळालेल्या माहितीनुसार, पीडित महिला घरातून बाजारला जाण्यासाठी निघाली होती. गावच्या बाहेर रोडवर आरोपी बंटी ऊर्फ संजीव अहिरवार तिला भेटला. त्याने तिला बाजारात सोडण्याचे अमिष दाखवून तिला जबरदस्तीने दुचाकीवर बसवले. महिलेने विरोध केला असता, आरोपीने तिला जीवे मारण्याची धमकी दिली आणि दुचाकी झाशीच्या दिशेने वळवली. आरोपीच्या धमक्यांमुळे पीडिता हतबल झाली होती.

हॉटेलच्या खोलीत अत्याचार

आरोपीने पीडितेला झाशी बसस्थानकावरून बसने गुना येथे नेले. तेथील एका हॉटेलमध्ये तिला डांबून ठेवून तिच्यावर पाशवी अत्याचार केला. तसेच या प्रकाराबाबत कोणाला सांगितल्यास बदनामी करण्याची आणि कुटुंबाला संपवून टाकण्याची धमकी देऊन तिचा छळ केला. काही दिवसांनंतर संधी मिळताच पीडितेने तेथून पळ काढला आणि बसने दतिया गाठले. सुरुवातीला भीतीपोटी तिने काही सांगितले नाही, मात्र आरोपीने पुन्हा धमकावणे सुरू केल्याने तिने कुटुंबाला आपबिती सांगितली.