Pune : MPSC पास दर्शना पवारला राहुल हंडोरेनेच संपवलं! हत्येचं कारण…
दर्शना पवारचा मारेकरी सापडला. पुणे ग्रामीण पोलिसांच्या पाच पथकांनी पुण्यापासून मुंबईपर्यंत सगळा भाग पालथा घातल्यानंतर राहुल हंडोरे पोलिसांच्या हाती लागला. पुणे ग्रामीण पोलिसांनी राहुल हंडोरेला मुंबईत अटक केली.
ADVERTISEMENT
Darshana Pawar Murder : दर्शना पवारचा मारेकरी सापडला. पुणे ग्रामीण पोलिसांच्या पाच पथकांनी पुण्यापासून मुंबईपर्यंत सगळा भाग पालथा घातल्यानंतर राहुल हंडोरे पोलिसांच्या हाती लागला. पुणे ग्रामीण पोलिसांनी राहुल हंडोरेला मुंबईत अटक केली. त्याच्या अटकेनंतर दर्शनाच्या हत्येचे कारणही समोर आलं. (darshana pawar murder case : Pune police arrested rahul handore from mumbai)
महाराष्ट्र लोकसेवा आयोगाची परीक्षा उत्तीर्ण होऊन वनपरिक्षेत्र अधिकारी निवड झालेल्या दर्शना पवारचा मृतदेह आढळल्याने पुणे जिल्ह्यासह राज्यात एकच खळबळ उडाली. मित्र राहुल हंडोरेसोबत राजगड फिरायला गेलेल्या दर्शना पवारचा सीतेचा माळ परिसरात मृतदेह सापडला. त्यानंतर पोलिसांनी तिचा बेपत्ता असलेल्या मित्राचा शोध सुरू केला होता.
राहुल हंडोरेला बेड्या, पोलिसांना सांगितलं हत्येचे कारण
मृत्यूपूर्वी दर्शना राहुल हंडोरेसोबत होती. त्यामुळे त्याचा शोध घेणे पोलिसांसाठी महत्त्वाचे होते. पुणे ग्रामीण पोलिसांनी पाच पथक तयार केली. ही पथके राहुल हंडोरेच्या शोधासाठी रवाना करण्यात आली. ही पथके राहुलचा नाशिक, लोणावळ्यासह विविध ठिकाणी शोध घेत होती.
हेही वाचा >> Pune : बायकोच्या नरडीचा घेतला घोट, मुलं फेकली विहिरीत; सुसाईड नोट वाचून दौंड पोलीस हादरले!
दरम्यान, मागील पाच दिवसांपासून पोलीस ज्याच्या मागावर होती, तो राहुल हंडोरे मुंबईत सापडला. पुणे ग्रामीण पोलिसांनी त्याला ताब्यात घेतल्यानंतर लगेच अटकेची कारवाई केली. अटकेच्या कारवाईनंतर त्यांची चौकशी करण्यात आली. ज्यात त्याने दर्शना पवारच्या हत्येचं कारणही सांगितलं.
हे वाचलं का?
