सातारा जिल्हा हादरला! घरात आढळले एकाच कुटुंबातील चौघांचे मृतदेह
पाटण तालुक्यातील सणबूर येथे शुक्रवारी सकाळी अकरा वाजण्याच्या सुमारास एकाच कुटुंबातील चौघांचे मृतदेह आढळून आले. या घटनेमुळे एकच खळबळ उडाली असून, घटनेचे कारण अद्याप स्पष्ट होऊ शकलेले नाही.
ADVERTISEMENT
Satara Crime News : इर्शाळवाडी दरड घटनेमुळे महाराष्ट्रावर शोककळा पसरलेली असतानाच सातारा जिल्ह्यात एक धक्कादायक घटना घडली आहे. एकाच कुटुंबातील चौघांचे मृतदेह घरात आढळून आले आहेत. त्यामुळे ही सामूहिक आत्महत्या आहे की, त्यांच्यासोबत घात झालाय, असे तर्कविर्तक लावले जात आहे. एका नातेवाईकांला संशय आल्यानंतर हा प्रकार उजेडात आला. (The dead bodies of four members of the same family were found at Sanbur in Patan taluka of satara district)
पाटण तालुक्यातील सणबूर येथे शुक्रवारी सकाळी अकरा वाजण्याच्या सुमारास एकाच कुटुंबातील चौघांचे मृतदेह आढळून आले. या घटनेमुळे एकच खळबळ उडाली असून, घटनेचे कारण अद्याप स्पष्ट होऊ शकलेले नाही.
वाचा >> Kirit Somaiya : ‘महिलांना फोन करून…’, सोमय्यांच्या व्हिडीओवर अनिल परबांनी काय सांगितलं?
पोलिसांनी दिलेल्या माहितीनुसार, सेवानिवृत्त शिक्षक आनंदा पांडुरंग जाधव, सुनंदा आनंदराव जाधव, संतोष जाधव आणि पुष्पा धस अशी मृतांची नावे आहेत. आनंदा पांडुरंग जाधव यांचे एक नातेवाईक त्यांना सकाळी अकरा वाजेपर्यंत कॉल करत होते. मात्र, समोरून कोणताही प्रतिसाद येत नव्हता.
दार उघडले आणि धक्काच बसला…
आनंदा जाधव यांच्या कुटुंबातील कुणीही कॉल उचलत नसल्याने, तसेच कोणताच रिप्लाय येत नसल्याने नातेवाईकाच्या मनात शंकेची पाल चुकचुकली. त्यानंतर आनंदा जाधव यांच्या जवळच्या नातेवाईकाने घराकडे धाव घेतली. त्यानंतर त्यांनी घराचा दरवाजा बघितला. दरवाजा आतून बंद होता. त्यानंतर त्यांनी आजूबाजू्च्या ग्रामस्थांना बोलावलं आणि रामस्थांनी तो दरवाजा तोडून घरात प्रवेश केला. घरात पाय ठेवल्यानंतर चौघांचे मृतदेह दिसून आले.
हे वाचलं का?
