तुरुंगातच घेतला गळफास, पोलिसांना सुसाईड नोटसोबत सापडला मुलीचा फोटो
या कैद्यावर अल्पवयीन मुलीवर बलात्कार केल्याचा आरोप होता. त्याला 20 वर्षांची शिक्षा सुनावण्यात आली होती. रविवारी त्याने आयुष्य संपवलं.
ADVERTISEMENT
Suicide in jail : छत्तीसगडमधील जांजगीर-चंपा जिल्ह्यात तुरुंगातील एका कैद्याने गळफास लावून आत्महत्या केली. या कैद्यावर अल्पवयीन मुलीवर बलात्कार केल्याचा आरोप होता, ज्यामध्ये त्याला 20 वर्षांची शिक्षा सुनावण्यात आली होती. कारागृहात रविवारी सायंकाळी त्याने हे आत्महत्येचे पाऊल उचलले. (Saying ‘love is not one-sided’, the young man who was serving the sentence hanged himself in jail)
IAS अधिकाऱ्याच्या आजी-आजोबांची आत्महत्या, काळीज पिळवटून टाकणारी सुसाईड नोट
पोलिसांना मृताकडून मुलीचा फोटो आणि सुसाईड नोटही मिळाली आहे. हे प्रकरण सिटी कोतवाली पोलीस ठाण्याच्या हद्दीतील आहे. आश्चर्याची बाब म्हणजे कारागृहात राहणाऱ्या अंडरट्रायल कैद्यांवर विशेष नजर ठेवण्यात आली आहे. असे असतानाही या कैद्याने गळफास घेऊन आत्महत्या केल्याने कारागृह प्रशासनाला सुगावाही लागला नाही. या आत्महत्येप्रकरणी मृताच्या मोठ्या भावाने न्यायालयीन चौकशीची मागणी केली आहे.
काय आहे संपूर्ण प्रकरण?
मिळालेल्या माहितीनुसार, 25 मार्च 2022 रोजी अल्पवयीन मुलीच्या नातेवाईकांनी त्यांची मुलगी घरातून बेपत्ता झाल्याची तक्रार पोलिसात दाखल केली होती. त्यानंतर पोलिसांनी गुन्हा दाखल करून मुलीचा शोध सुरू केला. त्यानंतर 8 एप्रिल 2022 रोजी पोलिसांना ती मुलगी सापडली. मुलीने सांगितले की, खैरा गावात राहणाऱ्या 24 वर्षीय बनवारी कश्यपने लग्नाच्या बहाण्याने तिच्यावर बलात्कार केला.
धाराशिव : बलात्काराच्या आरोपीने जामिनावर सुटताच पुन्हा त्याच चिमुकलीवर केला अत्याचार
हे वाचलं का?
