Sindhudurga: भर जंगलात 'तिच्यासोबत' काय घडलं, अमेरिकन महिलेचा हादरवून टाकणारा जबाब!
सिंधुदुर्ग जिल्ह्यातील सावंतवाडीमधील एका जंगलात सापडलेल्या अमेरिकन महिलेचा प्राथमिक जबाब आता समोर आला आहे. जाणून घ्या तिच्याविषयी सविस्तर.
ADVERTISEMENT
बातम्या हायलाइट
सिंधुुदुर्गातील जंगलातील घटनेने एकच खळबळ
अमेरिकन महिलेला जंगलात ठेवलेलं बांधून
अमेरिकन महिलेचा जबाब आला समोर
सिंधुदुर्ग: सिंधुदुर्ग जिल्ह्यातल्या सावंतवाडीतल्या जंगलात एक महिला लोखंडी साखळीने बांधलेल्या अवस्थेत आढळली आणि देशभर खळबळ उडाली. ही महिला नेमकी कोण आहे? तिला या जंगलात साखळीने नेमक का आणि कोणी बांधलं? किती दिवसांपासून ती या अवस्थेत होती? या सगळ्या प्रश्नांचा खुलासा आता झाला आहे. या प्रकरणात नेमकं काय आणि कसं कसं घडलं, जाणून घेऊया सविस्तर. (sindhudurga what happened with american woman in the forest of sawantwadi shocking preliminary statement came out)
सिंधुदुर्ग जिल्ह्यातल्या सावंतवाडीतील रोणापाल सोनुर्ली गावाच्या मध्यभागी कराडीचे डोंगर आहेत. या डोंगरातील जंगलाच्या परिसरात शनिवारी म्हणजे 27 जुलैला सकाळी काही गुराखी आणि शेतकरी गुरं चारण्यासाठी गेले. या परिसरात गेल्यावर त्यांना अचानक महिलेच्या किंकाळ्या ऐकू आल्या. तो आवाज ऐकल्यानंतर सर्वांनी त्या दिशेनं शोधाशोध सुरू केली. त्यांनतर त्यांना जे काही दिसलं त्याने ते सगळे गुराखी घाबरून गेले.
हे ही वाचा>> Yashashree Shinde : दाऊद शेखने यशश्रीची का केली हत्या? पोलिसांकडून मोठा खुलासा
त्या जंगलात एका झाड्याच्या बुंध्याला एका महिलेच्या पायाला साखळदंड बांधून ठेवण्यात आलेले होते. जेव्हा गुराख्यांनी त्या महिलेलं पाहिलं तेव्हा तिची अवस्था अत्यंत वाईट होती. त्यामुळे त्यांनी लगेचच पोलीस आणि गावकऱ्यांना या संदर्भात माहिती दिली.
पोलिसांनी घटनास्थळी धाव घेत त्या महिलेला सावंतवाडी उपजिल्हा रुग्णालयात दाखल केलं. मागील 3 दिवसापासून ती महिला त्या जंगलात होती. जेव्हा पोलिसांनी तिला रुग्णालयात दाखल केलं तेव्हा 3 दिवस उपाशी असल्यामुळे ती बोलण्याच्या मनःस्थितीत नव्हती. आता तिची मनस्थिती सुधारल्यावर पोलिसांनी तिच्याशी बोलण्याचा प्रयत्न केला. तेव्हा तिने इंग्रजीतून कागदावर जे काही लिहिलं त्याने पोलीसही हादरले.
हे वाचलं का?
