शिक्षकाने गोठ्यात नेऊन तिसरीच्या विद्यार्थिनीवर केले अत्याचार, गुन्हा दाखल झाल्यानंतर इतर प्रकरणंही बाहेर
Crime News : एका नराधम शिक्षकाने अल्पवयीन विद्यार्थिनींवर केलेल्या अत्याचाराची बातमी समोर येत आहे. नराधम शिक्षकाने तिसरीत शिकणाऱ्या ९ वर्षीय विद्यार्थिनीवर लैंगिक अत्याचार केल्याची घटना घडली आहे. तिसरीत शिकणाऱ्या मुलीला फूस लावून शिक्षकाने तिला एका गोठ्यात नेले आणि त्याठिकाणी तिच्यावर अत्याचार केले. मुलीला त्रास होऊ लागल्यानंतर हा प्रकार समोर आला. मुलीच्या वडिलांनी पोलिसात तक्रार दाखल केली आहे. मात्र नराधम शिक्षक अजूनही फरार आहे.
ADVERTISEMENT
बातम्या हायलाइट
शिक्षकाने गोठ्यात नेऊन तिसरीच्या मुलीला गोठ्यात नेऊन केले अत्याचार
गुन्हा दाखल झाल्यानंतर इतर प्रकरणंही बाहेर
Crime News : विद्यार्थ्यांना एक चांगला माणूस म्हणून घडवण्याचं काम शिक्षकाचं असतं. मात्र शिक्षकच जर हैवान आणि विकृत मानसिकतेचा असेल तर काय? अशाच एका नराधम शिक्षकाने अल्पवयीन विद्यार्थिनींवर केलेल्या अत्याचाराची बातमी समोर येत आहे. नराधम शिक्षकाने तिसरीत शिकणाऱ्या ९ वर्षीय विद्यार्थिनीवर लैंगिक अत्याचार केल्याची घटना घडली आहे. तिसरीत शिकणाऱ्या मुलीला फूस लावून शिक्षकाने तिला एका गोठ्यात नेले आणि त्याठिकाणी तिच्यावर अत्याचार केले. मुलीला त्रास होऊ लागल्यानंतर हा प्रकार समोर आला. मुलीच्या वडिलांनी पोलिसात तक्रार दाखल केली आहे. मात्र नराधम शिक्षक अजूनही फरार आहे. ही संतापजनक घटना उत्तर प्रदेशातील बिजनोर परिसरातील आहे.
हे ही वाचा : जालना: आधी झाडाखाली, नंतर ढाब्यावर... 5 जणांकडून भोळसर महिलेवर सामूहिक अत्याचार! न्यायालयाचा महत्त्वपूर्ण निकाल
गोठ्यात नेऊन अत्याचार
अंशुल कुमार असं या आरोपी शिक्षकाचं नाव आहे. हा गावाशेजारील एका शाळेत शिक्षक म्हणून कार्यरत आहे. २३ फेब्रुवारी रोजी संध्याकाळी पाचच्या सुमारास पीडित मुलगी घराबाहेर खेळत होती. यावेळी अंशुलने तिला गोड बोलून आपल्या जाळ्यात ओढले आणि जवळच असलेल्या एका गोठ्यात नेले. तिथे त्याने या चिमुरडीवर बळजबरीने अत्याचार केला. पीडितेची प्रकृती बिघडल्यानंतर आणि तिला त्रास होऊ लागल्यानंतर तिने कुटुंबीयांना घडला प्रकार सांगितला.
दुसऱ्या विद्यार्थिनीसोबत अत्याचार
पीडित मुलीच्या वडिलांनी तातडीने पोलीस ठाणे गाठून तक्रार नोंदवली. मात्र, धक्कादायक बाब म्हणजे, ही तक्रार दाखल होत असतानाच आणखी एक महिला पोलीस ठाण्यात पोहोचली. तिनेही याच शिक्षकाने आपल्या मुलीसोबत अश्लील चाळे आणि घृणास्पद कृत्य केल्याचा गंभीर आरोप केला आहे. एकाच शिक्षकाकडून अनेक विद्यार्थिनींना लक्ष्य केले जात असल्याची शक्यता निर्माण झाल्याने पालकांमध्ये घबराट आणि संतापाचे वातावरण आहे.
हे वाचलं का?
