हे ही वाचा :  शेजारी राहणाऱ्या पुरुषाकडून विवाहितेचा विनयभंग; पतीने विरोध केल्यानंतर थेट डोळाच फोडला अन्...

नेमकं प्रकरण काय आहे?

काजल आणि अरमान या दोघांचं एकमेकांवर प्रेम होतं. तीन दिवसांपूर्वी हे दोघेही बेपत्ता झाले होते. त्यानंतर त्यांचे कुटुंबिय त्यांचा शोध घेत होते. याप्रकरणी दोन्ही कुटुंबियांनी पाकबारा पोलिस ठाण्यात तक्रारही दाखल केली होती. या दोघांची शोधाशोध सुरु असतानाच गावाजवळील नीम करोली मंदिराच्या मागील जंगलात या दोघांचे मृतदेह एकत्रित सापडले. यानंतर गावात एकच खळबळ उडाली. काही काळ गावाला पोलिस छावणीचे रुप आले होते. या तणावामुळे गावात पीएसी दल तैनात करण्यात आले. याविषयी गावप्रमुख बबलू सैनी यांनी सांगितले की, 'काजल आणि अरमान हे दोघे एकमेकांच्या प्रेमात होते. बेपत्ता झाल्याची तक्रार नोंदवल्यानंतर काही तासांतच त्यांचे मृतदेह सापडले.'

तरुणीच्या भावांनीच हत्या केल्याचा संशय

मृतदेह सापडल्यानंतर पोलिसांनी लगेचच तपासाची चक्रं फिरवली. दुसऱ्या समुदायातील तरुणावर प्रेम केल्याचा राग तरुणीच्या भावांना होता. यातूनच त्यांनी ही हत्या केल्याचे बोलले जात आहे. याविषयी एसपी सतपाल अंतिल यांनी धक्कादायक खुलासा केला आहे. त्यांनी सांगितलं की, हा मृत्यू सामान्य नसून पूर्वनियोजित खून आहे. सुरुवातीच्या तपासांनतर ही हत्या तरुणीच्या भावांनीच केल्याचे समोर आले आहे. याप्रकरणी तीन भावांविरुद्ध गुन्हा दाखल करण्यात आला असून दोघांना ताब्यात घेण्यात आले आहे. दंडाधिकाऱ्यांच्या उपस्थितीत मृतदेहांचे पोस्ट मार्टम करण्यात आले आहे.