वसई : 32 कोटींसाठी उद्योगपतीच्या हत्येचा कट, थेट गाठून गोळ्या झाडल्या, पण...

vasai businessman murder conspiracy, प्रवीण नलावडे  : वसईमध्ये 32 कोटी रुपयांच्या आर्थिक फायद्यासाठी उद्योगपतीच्या हत्येचा कट रचल्याचा धक्कादायक प्रकार उघडकीस आला आहे. वालीव पोलिसांनी या प्रकरणाचा पर्दाफाश करत मुख्य सूत्रधारासह सात आरोपींना अटक केली आहे. वसईतील डायमंड इंडस्ट्रियल इस्टेटमधील जी.एस.एम. फॉइल्स लिमिटेडचे भागीदार मोहनसिंह लक्ष्मणसिंह परमार यांच्यावर 24 जुलै रोजी कंपनीबाहेर गोळीबार करून त्यांची हत्या करण्याचा प्रयत्न करण्यात आला होता. या हल्ल्यात ते गंभीर जखमी झाले होते. त्यांना तातडीने रुग्णालयात दाखल करण्यात आले. त्यांच्यावर यशस्वी शस्त्रक्रिया करण्यात आली. सध्या त्यांची प्रकृती स्थिर असल्याची माहिती पोलिसांनी दिली आहे.