PAK मध्ये 'धुरंधर' राडा... उझैर बलोचच्या भावावर 'ल्यारी'मध्येच धडाधडा झाडल्या गोळ्या!
Uzair Baloch Brother: पाकिस्तानी पोलिसांच्या माहितीनुसार, ल्यारीमधील मिर्झा आदम खान रोडवर झालेल्या गोळीबारात तीन जण जखमी झाले आहेत. जखमींपैकी एकाची ओळख झुबेर बलोच म्हणून पटली आहे.
ADVERTISEMENT
कराची: बॉलिवूडचा 'धुरंधर' चित्रपटात हा आपल्याला आठवत असलेच.. या सिनेमात चित्रित झालेले ल्यारी टोळीयुद्ध हे पुन्हा एकदा वास्तवात उतरलं आहे. गुरुवारी (30 जुलै) संध्याकाळी, कुख्यात टोळीप्रमुख उझैर बलोचचा भाऊ असलेल्या झुबेर बलोचवर अज्ञात हल्लेखोरांनी गोळ्या झाडल्या. त्याची प्रकृती गंभीर असल्याचे वृत्त आहे. पोलिसांनी दिलेल्या माहितीनुसार, ल्यारीमधील मिर्झा आदम खान रोडवर झालेल्या गोळीबारात किमान तीन जण जखमी झाले आहेत.
उझैर बलोचच्या भावावर कोणी झाडल्या गोळ्या?
कराची दक्षिण विभागाचे उपमहानिरीक्षक (DIG) यांच्या मते, जखमींपैकी एक जण बंदी घातलेल्या 'पीपल्स अमन कमिटी'चा प्रमुख उझैर बलोचचा भाऊ झुबेर बलोच असू शकतो. पोलिसांनी सांगितले की, त्याच्या ओळखीची अद्याप अधिकृतपणे पुष्टी केली जात आहे.
पाकिस्तानी वृत्तपत्र 'डॉन'मधील वृत्तानुसार, मोटारसायकलवरून आलेल्या हल्लेखोरांनी आपले चेहरे झाकले होते आणि एका दुकानदाराने हल्लेखोरांवर प्रतिहल्ला केल्यानंतर ते पळून गेले. वरिष्ठ पोलीस अधिकारी सय्यद असद रझा यांनी सांगितले की, त्यावेळी झुबेर बलोच आपल्या घराबाहेर होता.
हे ही वाचा>> डिलिव्हरी पार्टनरचा महिलेकडे घरात येऊ देण्याचा हट्ट! पुढे सगळं अंगलट आलं अन्...
भारतीय अभिनेता दानिश पंडोरने 2026 च्या 'धुरंधर' या भारतीय स्पाय-थ्रिलरमध्ये उझैर बलोचची भूमिका साकारली होती, तर अक्षय खन्नाने उझैर बलोचचा उस्ताद रहमान डकैत या दरोडेखोराची भूमिका साकारली होती.