Uddhav Thackeray : शिंदेंचे 5 ते 6 आमदार ठाकरेंच्या संपर्कात, भूकंप होणार?

सौरभ वक्तानिया

ADVERTISEMENT

उद्धव ठाकरे यांच्या शिवसेनेने लोकसभा निडणुकीत ९ जागा जिंकल्या आहेत.
उद्धव ठाकरे आणि एकनाथ शिंदे
social share
google news

बातम्या हायलाइट

point

शिंदेंचे आमदार उद्धव ठाकरे यांच्या संपर्कात?

point

लोकसभा निवडणुकीनंतर महाराष्ट्रात भूकंप होणार?

point

राजकीय वर्तुळात पुन्हा पक्षांतराची चर्चा

Uddhav Thackeray Shiv Sena : लोकसभा निवडणुकीच्या निकालानंतर महाराष्ट्रात नवा राजकीय खेळ सुरू झाला आहे. लोकसभा निवडणुकीत महायुतीला जबर धक्का बसला असून, महाविकास आघाडीने लक्ष वेधून घेणारी कामगिरी केली आहे. यात शरद पवारांच्या राष्ट्रवादी काँग्रेसबरोबर उद्धव ठाकरेंच्या शिवसेनेची कामगिरीही चांगली झाली असून, ठाकरेंना सोडून गेलेल्या आमदार पुन्हा परतण्याच्या मार्गावर असल्याची माहिती समोर आली आहे. (6 mlas of Shiv Sena led by Eknath shinde willing to joined uddhav Thackeray's shiv sena)

महाराष्ट्रातील राष्ट्रवादी काँग्रेस आणि शिवसेनेत फूट पडली. लोकसभा निवडणूक निकालात या फुटीचेही परिणाम दिसून आले. शरद पवारांच्या राष्ट्रवादी काँग्रेसने दहा पैकी ८ जागा जिंकल्या, तर ठाकरेंच्या शिवसेने २१ पैकी ९ जागा जिंकल्या. सत्ताधारी महायुतीच्या तुलनेत महाविकास आघाडीने कामगिरी जबरदस्त कामगिरी केल्याचे स्पष्ट झाले आहे.

 

हे वाचलं का?

ADVERTISEMENT

शिंदेंचे 5 ते 6 आमदार घरवापसी करणार?

या निकालानंतर एकनाथ शिंदेंच्या सोबत गेलेल्या आमदारांमध्ये चलबिचल असल्याचे राजकीय वर्तुळात दबक्या आवाजात बोलले जात आहे. त्यातच आता शिवसेनेच्या (उद्धव बाळासाहेब ठाकरे)एका मोठ्या नेत्यांने दिलेल्या माहितीनुसार एकनाथ शिंदे यांच्या शिवसेनेचे ५ ते ६ आमदार उद्धव ठाकरे यांच्या संपर्कात आहेत.

हेही वाचा >> भाजप नेत्यांच्या भेटीनंतर राज ठाकरेंचा मोठा निर्णय, डावखरेंची चिंता मिटली! 

एकनाथ शिंदे यांच्या शिवसेनेतील काही आमदार उद्धव ठाकरेंच्या शिवसेनेत प्रवेश करण्यास इच्छुक आहेत. ते संपर्कात आहेत. यासंदर्भात उद्धव ठाकरे हे निर्णय घेणार असून, त्यांच्या निर्णयानंतरच त्यांना पक्षात प्रवेश दिला जाईल, असे या नेत्याने सांगितले. ठाकरेंचे आमदार सचिन अहीर यांनीही याला दुजोरा दिला आहे.

ADVERTISEMENT

अजित पवारांच्या राष्ट्रवादीचे आमदारांमध्येही चलबिचल?

अजित पवारांच्या राष्ट्रवादी काँग्रेसची लोकसभा निवडणुकीत कामगिरी खूपच मानहानीकारक राहिली. बारामती लोकसभा मतदारसंघातच अजित पवारांना पराभवाला सामोरे जावे लागले आहे. तर दुसरीकडे शरद पवारांचा प्रभाव कायम असल्याचे दिसून आले आहे.

ADVERTISEMENT

हेही वाचा >> अवघ्या 48 मतांनी अमोल किर्तीकर कसे पडले? मतमोजणीच्या दिवशी काय घडलं? 

त्यामुळे अजित पवारांसोबत गेलेल्या आमदारांपैकी काही आमदार शरद पवारांच्या पक्षात येण्यास इच्छुक असल्याची चर्चा राजकीय वर्तुळात जोरात सुरू आहे. आमदार रोहित पवार यांनीही याला दुजोरा दिला आहे. अजित पवारांच्या राष्ट्रवादीतील 12 ते 13 आमदार संपर्कात असल्याचे त्यांनी म्हटले आहे. त्यामुळे विधानसभा निवडणुकीआधी महाराष्ट्रात मोठे भूकंप होणार, असेच संकेत मिळत आहेत. 

    follow whatsapp

    ADVERTISEMENT