Maharashtra Lok Sabha : उद्धव ठाकरे 'या' 14 जागा जिंकणार?
Maharashtra Lok Sabha Elections 2024 : महाराष्ट्रात 48 लोकसभा मतदारसंघापैकी 21 मतदारसंघात उद्धव ठाकरेंच्या शिवसेनेचे उमेदवार रिंगणात आहेत. या 21 पैकी कोणत्या मतदारसंघात ठाकरेंचे उमेदवार जिंकू शकतात, पहा महाराष्ट्रातील संस्थेचा एक्झिट पोल काय सांगतोय?
ADVERTISEMENT
बातम्या हायलाइट
महाराष्ट्र लोकसभा निवडणूक २०२४
उद्धव ठाकरे यांची शिवसेनेला किती जागा जिंकणार?
ठाकरेंच्या शिवसेनेबद्दल एक्झिट पोल काय म्हणतो?
Maharashtra Lok Sabha 2024 Exit Poll : एकनाथ शिंदेंच्या नेतृत्वाखाली झालेल्या बंडानंतर पहिल्यांदाच शिवसेनेचे दोन्ही गट निवडणुकीत आमने-सामने आले आहेत. उद्धव ठाकरे यांच्या शिवसेनेची कामगिरी कशी असेल आणि महाविकास आघाडीत सर्वाधिक जागा लढवत असलेल्या ठाकरेंच्या शिवसेनेला किती जागा मिळणार, याची उत्सुकता आहे. याबद्दल रुद्रा रिसर्च अ‍ॅण्ड अनॅलिटीक्सचा एक्झिट पोलने काही अंदाज मांडले आहेत. यात ठाकरेंच्या शिवसेनेला 14 जागा मिळणार असे म्हटले आहे. (exit poll prediction says that Uddhav Thackeray's shiv sena will be won 14 seats in lok sabha election 2024)
उद्धव ठाकरेंच्या शिवसेनेने यावेळी लोकसभेच्या 21 जागा लढवल्या आहेत. त्यातील बहुतांश जागांवर एकनाथ शिंदे यांच्या शिवसेनेसोबत ठाकरेंच्या उमेदवारांची लढत होत आहे. त्यामुळे या जागांवर काय निकाल लागणार, याबद्दल सगळ्यांना उत्कंठा वाढली आहे.
Lok Sabha 2024 : महाराष्ट्रातील संस्थेचा एक्झिट पोल काय सांगतोय?
दरम्यान, 'रुद्रा रिसर्च अ‍ॅण्ड अनॅलिटीक्स' या संस्थेने एक्झिट पोल प्रसिद्ध केला आहे. यात ठाकरेंची शिवसेना 14 जागा जिंकणार असल्याचा दावा करण्यात आला आहे. कोणत्या मतदारसंघातून कोणता उमेदवार किती मताधिक्याने विजयी होणार, याबद्दलही अंदाज मांडलेला आहे.
हेही वाचा >> सांगली, बारामती कुणाचा 'गेम'? पहा एक्झिट पोल
| उमदेवार | मतदारसंघ | विरोधी उमेदवार | विजयाचे मताधिक्य |
| संजय दिना पाटील | उत्तर पूर्व मुंबई लोकसभा | मिहीर कोटेचा (भाजप) | 60,000-90,000 |
| अमोल कीर्तिकर | उत्तर पश्चिम मुंबई लोकसभा | रवींद्र वायकर (शिवसेना) | 50,000-70,000 |
| अरविंद सावंत | दक्षिण मुंबई लोकसभा | यामिनी जाधव (शिवसेना) | 50,000-70,000 |
| अनिल देसाई | दक्षिण मध्य मुंबई लोकसभा | राहुल शेवाळे (शिवसेना) | 10,000-20,000 |
| राजन विचारे | ठाणे लोकसभा | नरेश म्हस्के (शिवसेना) | 40,000-60,000 |
| सत्यजीत पाटील | हातकणंगले लोकसभा | धैर्यशील माने (शिवसेना) | 80,000-1,00,000 |
| राजाभाऊ वाजे | नाशिक लोकसभा | हेमंत गोडसे (शिवसेना) | 2,40,000-2,70,000 |
| भाऊसाहेब वाकचौरे | शिर्डी लोकसभा | सदाशिव लोखंडे (शिवसेना) | 25,000-50,000 |
| चंद्रकांत खैरे | औरंगाबाद लोकसभा | संदीपान भुमरे (शिवसेना) | 10,000-20,000 |
| ओमराजे निंबाळकर | उस्मानाबाद लोकसभा | अर्चना पाटील (राष्ट्रवादी) | 3,50,000-4,00,000 |
| संजय जाधव | परभणी लोकसभा | महादेव जानकर (रासप) | 1,00,000-1,30,000 |
| नागेश पाटील आष्टीकर | हिंगोली लोकसभा | बाबुराव कदम (शिवसेना) | 1,30,000-1,60,000 |
| नरेंद्र खेडेकर | बुलढाणा लोकसभा | प्रताप जाधव (शिवसेना) | 25,000-5,0000 |
| संजय देशमुख | यवतमाळ-वाशिम लोकसभा | राजश्री पाटील (शिवसेना) | 90,000-1,20,000 |
हे वाचलं का?
