Kangana Ranaut : 7 किलो सोने, 60 किलो चांदी...करोडोची मालकीण आहे बॉलिवूडची क्वीन
kangana Ranaut Net Worth : कंगनाच्या जंगम मालमत्तेचा तपशील पाहिला तर, तिच्या नावावर एक किंवा दोन नाही तर 50 एलआयसी पॉलिसी आहेत आणि या सर्व पॉलिसी एकाच तारखेला, 4 जून 2008 रोजी खरेदी केल्या गेल्या होत्या. याशिवाय तिने शेअर्समध्येही गुंतवणूक केली आहे.c
ADVERTISEMENT
kangana Ranaut Net Worth : बॉलिवूडची क्वीन अभिनेत्री कंगना रणौत हीने अभिनय क्षेत्रात यशस्वी कामगिरी केली आहे. त्यानंतर आता ती राजकारणात तीचं नशीब आजमावायचा प्रयत्न करते. भाजपकडून तिला लोकसभेचे तिकीट मिळालं असून हिमाचल प्रदेशच्या मंडी लोकसभा (Mandi Lok Sabha) मतदारसंघातून ती निवडणूक लढणार आहे. या निवडणुकीसाठी तिने आज उमेदवारी अर्ज दाखल केला आहे. यावेळी निवडणूक आयोगाकडे दाखल केलेल्या प्रतिज्ञापत्रात तिने तिच्या संपत्तीची संपूर्ण माहिती दिली आहे.त्यामुळे कंगना रणौतकडे (kangana Ranaut) नेमकी किती संपत्ती (Net Worth) आहे? हे जाणून घेऊयात. (kangana ranaut files nomination from himachal pradesh mandi lok saba 2024 net worth car collection loksabha 2024)
कंगनाची संपत्ती किती?
कंगना रणौतचा जन्म 23 मार्च 1987 साली हिमाचलच्या मंडी जिल्ह्यात झाला आहे. तिच्या शिक्षणाबद्दल बोलायचं झालं तर ती बारावीपर्यंतच शिकली आहे. तसेच निवडणूक आयोगाला दिलेल्या प्रतिज्ञापत्रातील माहितीनुसार कंगना रणौत 90 कोटींहून अधिकच्या संपत्तीची मालकीण आहे.
कंगनाकडे सध्या 2 लाख रूपये रोकड आहे. आणि अनेक बँक खाते, शेअर्स, डिंबेचर्स आणि सोने-चांदीच्या दागिन्यांसह मिळून तिची एकूण संपत्ती 28 कोटी, 73 लाख, 44 हजार 239 रूपये आहे.तर तिची स्थावर मालमत्ता 62 कोटी,92 लाख 87 हजार रुपये आहे. तर कर्जाबद्दल बोलायचं झाल तर तिच्यावर 17 कोटी, 38 लाख रूपये आहे.
हे ही वाचा : भाजप-शिवसेनेने उद्धव ठाकरेंना घेरले, पण भुजबळांनी केली 'सुटका'
निवडणूक प्रतिज्ञापत्रात दिलेल्या माहितीनुसार, कंगना रणौतकडे 6 किलो 700 ग्रॅम सोने आणि दागिने आहेत, ज्याची किंमत सुमारे 5 कोटी रुपये आहे. याशिवाय त्याच्याकडे 60 किलो चांदी आहे, ज्याची किंमत 50 लाख रुपये आहे. याशिवाय तिच्याकडे कोट्यवधींचे हिऱ्यांचे दागिनेही आहेत, ज्यांची किंमत 3 कोटींहून अधिक आहे
आलिशान गाड्यांची मालकीण
कंगनाला आलिशान आणि महागड्या कारचीही शौकीन आहे. निवडणूक आयोगाला दिलेल्या प्रतिज्ञापत्रात तिने दोन गाड्यांचा उल्लेख केला आहे. यापैकी एक BMW 7-Series आहे आणि दुसरी Mercedes Benz GLE SUV आहे. या दोन्ही कारची एकूण किंमत 1.56 कोटी रुपये असल्याचे सांगण्यात येत आहे.
शेअर्समध्येही करते गुंतवणूक
कंगनाच्या जंगम मालमत्तेचा तपशील पाहिला तर, तिच्या नावावर एक किंवा दोन नाही तर 50 एलआयसी पॉलिसी आहेत आणि या सर्व पॉलिसी एकाच तारखेला, 4 जून 2008 रोजी खरेदी केल्या गेल्या होत्या. याशिवाय तिने शेअर्समध्येही गुंतवणूक केली आहे. तिच्याकडे मणिकर्णिका फिल्म्स प्रायव्हेट लिमिटेडचे 9999 शेअर्स आहेत, ज्यामध्ये त्यांची एकूण भांडवली गुंतवणूक रक्कम 1.20 कोटी रुपयांपेक्षा जास्त आहे.
हे ही वाचा : भावेश भिंडेने 'त्या' होर्डिंगसाठी झाडांनाही दिलं विष, वाचा Inside Story
एका सिनेमाचे मानधन किती?
कंगना राणौत बॉलिवूडमधली सर्वांत महागडी अभिनेत्री आहे. ती एका चित्रपटासाठी 15 ते 25 कोटी रुपये मानधन घेते. लम्हे, फॅशन, राज 2, वन्स अपॉन अ टाइम इन मुंबई, मणिकर्णिका आणि पंगा या सिनेमांमुळे कंगनाची चाहत्यांमध्ये एक वेगळी ओळख निर्माण झाली आहे. चित्रपटासह कंगना जाहिरातीमधूनही बक्कळ कमाई करते. मीडिया रिपोर्ट्सनुसार, कंगना रणौत एका ब्रँडच्या जाहिरातीसाठी 3 किंवा 3.5 कोटी रुपये फी घेते.
मुंबई, हिमाचलमध्ये आलिशान बंगला
कंगना राणौत हिचा मनाली, हिमाचलमध्ये एक आलिशान बंगला आहे, ज्याची किंमत जवळपास २५ कोटी रुपये आहे. याशिवाय मुंबईत पाच बेडरूमचे अपार्टमेंट आहे, ज्याची किंमत अंदाजे 15 ते 20 कोटी रुपये आहे. त्यांचे मुंबईतील पाली हिल येथे एक मोठे कार्यालय आहे, ज्याची किंमतही करोडोंमध्ये आहे.
हे वाचलं का?
