Lok Sabha Election 2024: 'मोदी तुम्ही पवारांबद्दल..', 'भटकती आत्मा'वरुन राहुल गांधींनी सुनावलं!

'शरद पवार यांचा पंतप्रधान मोदी हे अपमान करत आहेत. त्यांच्याविषयी उलट-सुलट गोष्टी बोलत आहेत. पंतप्रधानांनी थोडी तरी पातळी सांभाळली पाहिजे.' असं म्हणत राहुल गांधींनी मोदींना खडे बोल सुनावले आहेत.

'पवारांबद्दल मोदी उलट-सुलट बोलतात.. काय फायदा होतोय?'

'राजकारणातील जे ज्येष्ठ नेते आहेत, शरद पवार यांचा पंतप्रधान मोदी हे अपमान करत आहेत. त्यांच्याविषयी उलट-सुलट गोष्टी बोलत आहेत. पंतप्रधानांनी थोडी तरी पातळी सांभाळली पाहिजे.' 

'पंतप्रधानाने देशाबाबत बोललं पाहिजे. विकास, शेतकरी याबाबत बोललं पाहिजे. ज्येष्ठ नेत्याचा अपमान करणं.. याचा अर्थ काय आहे? काय फायदा आहे यामध्ये त्यांचा.. त्यांना काय वाटतं की, भारतातील जनता खुश होईल?' असं राहुल गांधी म्हणाले. 

'मी महाराष्ट्रात येतो ना तेव्हा बरं वाटतं, कारण...'

पुढे राहुल गांधी असंही म्हणाले की, 'जेव्हा मी महाराष्ट्रात येतो ना.. मला वाटतं की, हे काँग्रेसी राज्य आहे.. मी जेव्हा-जेव्हा इथे येतो तेव्हा-तेव्हा मला बरं वाटतं, मजा येते..'