Satara Lok Sabha Election: शरद पवारांनीही उडवली कॉलर, उदयनराजेंविरोधात पुन्हा उतरले मैदानात!
Lok Sabha Election 2024: सातारा लोकसभा मतदारसंघासाठी शरद पवार हे आता स्वत: मैदानात उतरले आहेत. भाजपकडून उदयनराजे यांना उमेदवारी दिली जाणार असल्याचं बोललं जात असल्याने पवार नेमकं कोणाला उमेदवारी देणार याकडे सध्या सर्वांचं लक्ष लागून राहिलं आहे.
ADVERTISEMENT
बातम्या हायलाइट
शरद पवारांची सातऱ्यात नवी रणनीती
श्रीनिवास पाटलांची निवडणुकीतून माघार
शरद पवार पुन्हा उदयनराजेंना देणार आव्हान?
Satara Lok Sabha Election 2024 Sharad Pawar vs Udayanraje Bhosale: सातारा: लोकसभा निवडणूक 2024 (Lok Sabha Election 2024) साठी आता हळूहळू उमेदवार हे जाहीर होऊ लागले आहेत. राज्यातील महत्त्वाच्या पक्षांनी आपले काही उमेदवार हे जाहीर केले आहेत. मात्र, काही मतदारसंघ असे आहेत की, जेथील उमेदवार हे अद्यापही जाहीर करण्यात आलेले नाहीत. त्यापैकीच सातारा लोकसभा मतदारसंघ (Satara Lok Sabha Constituency) आहे. हीच जागा राखण्यासाठी आता स्वत: शरद पवार (Sharad Pawar) हे मैदानात उतरले आहेत. त्यामुळे जर साताऱ्यातून पुन्हा उदयनराजे भोसले यांना तिकीट मिळालं तर ही निवडणूक अत्यंत चुरशीची होण्याची शक्यता आहे. (lok sabha election 2024 sharad Pawar again entered the satara lok sabha election field against bjp leader udayanraje bhosale)
साताऱ्याचे विद्यमान खासदार श्रीनिवास पाटील हे प्रकृतीच्या कारणास्तव निवडणूक लढवणार नसल्याचं स्पष्ट झाल्यानंतर या अत्यंत महत्त्वाच्या मतदारसंघातून नेमका कोणता उमेदवार द्यावा यासाठी आज (29 मार्च) शरद पवार हे साताऱ्याच्या दौऱ्यावर आले होते. यावेळी झालेल्या पत्रकार परिषदेत पवारांनी थेट उदयनराजेंसारखीच कॉलर उडवून ते साताऱ्याच्या लढाईसाठी सज्ज असल्याचे संकेत दिले आहेत.
पाहा उदयनराजेंबाबत शरद पवार नेमकं काय म्हणाले...
साताऱ्यातील पत्रकार परिषदेत शरद पवारांना सवाल विचारण्यात आला की, उदयनराजेंनी उमेदवारीसाठी तुमच्याशी काही संपर्क केला आहे का?
यावर बोलताना शरद पवार म्हणाले की, 'उदयनराजेंनी काहीही संपर्क केलेला नाही..' त्याचवेळी शरद पवारांनी कॉलर देखील उडवली.
'मतदारांना काही सांगायची गरज नाही.. साताऱ्याचा मतदार हा अत्यंत समंजस आहे आणि तो योग्य निर्णय घेईल. उदयनराजे हे भाजपमध्ये आहेत. आता ते भाजपमध्ये आहेत. मी पाहिलंय.. सर्व सातारकरांनी त्यांचं सर्व रस्त्यांवर स्वागत केलंय.' असा उपरोधिक टोला पवारांनी यावेळी लगावला.
हे वाचलं का?
