रसिकलाल धारीवाल यांच्या स्मृतिप्रीत्यर्थ 9 वे वार्षिक रक्तदान शिबिर उत्साहात संपन्न

या प्रसंगी मराठी अभिनेते सिद्धार्थ जाधव यांची विशेष उपस्थिती होती. तसेच उद्योजक पोपटलाल ओसवाल, प्रदीप राठी आणि आकाश राठी, अध्यक्ष लातूर अर्बन को-ऑप. बँक लिमिटेड यांनीही शिबिराला भेट दिली. विशेष म्हणजे आकाश राठी यांनी केवळ उपस्थिती लावली नाही, तर स्वतः रक्तदानही केले. याशिवाय पुण्यातील विविध गणपती मंडळांचे पदाधिकारी तसेच शहरातील मान्यवर व प्रतिष्ठित व्यक्तींनी उपस्थित राहून या सामाजिक उपक्रमाला पाठिंबा दर्शविला.

हे ही वाचा>> पुनीत बालन क्रिकेट अकॅडमीचा दणदणीत विजय, कपील सन्सवर ८९ धावांनी मात

कायद्याची अंमलबजावणी यंत्रणेतील वरिष्ठ अधिकाऱ्यांनीही शिबिराला उपस्थित राहून सामाजिक उपक्रमाबद्दल समाधान व्यक्त केले. सागर कवडे, पोलीस उपायुक्त मुख्यालय, विजयकुमार डोके, कोरेगाव पार्क सिनिअर पी आय आणि कैलास गायकवाड, सहसचिव महसूल, मंत्रालय आणि नगरसेविका सौ. स्वप्नाली पंडित यांनी प्रत्यक्ष उपस्थित राहून अभिनंदन केले. विशेष म्हणजे विजयकुमार डोके, कोरेगाव पार्क सिनिअर पी आय यांनी स्वतः रक्तदान करून सामाजिक जबाबदारीचे आदर्श उदाहरण घालून दिले.

आर. एम. धारीवाल फाउंडेशनच्या सामाजिक विकासाच्या सातत्यपूर्ण उपक्रमांचा भाग म्हणून हरे कृष्ण मिशन पुणे, आर. एम. डी. स्कूल अँड कॉलेज रांजणगाव, साधू वासवाणी मिशन, सिद्धातिशय क्षेत्र कुंडल आणि श्री. आदिनाथ दिगंबर जैन मंदिर वाल्हे या संस्थांना चेक वाटप करण्यात आले. उपस्थितांना 6 फूट उंचीची 150 देशी रोपे विनामूल्य वितरित करण्यात आली. तसेच जान्हवी धारीवाल बालन यांच्या संकल्पनेतील वृक्ष पुनर्रोपण या प्रकल्पाचे विशेष माहितीपट शिबिरस्थळी प्रदर्शित करण्यात आला.