Nilesh Lanke : ईव्हीएम स्ट्राँगरुमपर्यंत गेला अन्...; लंकेनी व्हिडीओच दाखवला
Nilesh Lanke ahmednagar lok sabha lok sabha election 2024 : निलेश लंके यांनी ईव्हीएम मशीन ठेवण्यात आलेल्या स्ट्राँग रुमचा व्हिडीओ शेअर केला आहे.
ADVERTISEMENT
बातम्या हायलाइट
ईव्हीएम स्ट्राँग रुमचा व्हिडीओ
सीसीटीव्ही यंत्रणेत बिघाड करण्याचा प्रयत्न
निलेश लंकेंनी शेअर केला व्हिडीओ
Maharashtra Lok Sabha election 2024 : लोकसभा निवडणुकीसाठी महाराष्ट्रातील पाचही टप्प्यातील मतदान पार पडलं आहे. आता सर्व राजकारणी डोळ्यात तेल घालून ईव्हीएम असलेल्या स्टाँगरुमवर नजर ठेवून आहेत. अशातच दक्षिण अहमदनगर लोकसभा मतदारसंघातून निवडणूक लढवत असलेल्या निलेश लंके यांनी एक व्हिडीओ शेअर केला आहे. यात एक व्यक्ती तिहेरी सुरक्षा व्यवस्था भेदून ईव्हीएम असलेल्या स्ट्राँगरुमपर्यंत पोहोचल्याचे दिसत आहे. (In the video shared by Nilesh Lanka, a person is seen near the EVM Strong room)
महाराष्ट्रात पाच टप्प्यात लोकसभा निवडणूक पार पडली. मतदान झाल्यानंतर आता सगळ्यांना निकालाची प्रतिक्षा आहे. ४ जून रोजी निकाल असल्याने तोपर्यंत विरोधी पक्षाचे उमेदवार आणि नेते ईव्हीएम असलेल्या स्ट्राँगरुमवर बारीक नजर ठेवून आहेत.
मतदान पार पडल्यापासून निवडणुकीचे वेगवेगळे व्हिडीओ समोर येत असून, राष्ट्रवादी काँग्रेस शरदचंद्र पवार पक्षाचे उमेदवार निलेश लंके यांनीही चिंता व्यक्त केली आहे.
ईव्हीएम स्ट्राँगरुमचा व्हिडीओ, निलेश लंके काय म्हणाले?
"संरक्षण व्यवस्था थोडे उठा, माणूस गोदामापर्यंत आलाय. काल (२१ मे) रात्री आमच्या नगर दक्षिण अहिल्यानगर मतदारसंघाच्या ईव्हीएम ठेवलेल्या ठिकाणी त्रिस्तरीय सुरक्षा भेदून एका इसमाने प्रवेश करत चक्क शटरपर्यंत जात सीसीटीव्हीमध्ये बिघाड करण्याचा प्रयत्न केला."
हेही वाचा >> Pune Accident वर राहुल गांधी संतापले, म्हणाले, 'निबंध लिहण्याची शिक्षा...'
"माझ्या सहकाऱ्याने तो लगेच हाणून पाडला. माझे सहकारी हा इसम पकडू शकतात, मग कोणतीही पूर्व सूचना न देता गेलेल्या त्या व्यक्तीला त्रिस्तरीय सुरक्षा का रोखू शकली नाही? कुंपणच आता शेत खात आहे. लोकशाही चोरी करण्याचा प्रयत्न केला जातोय पण प्रशासन मात्र उघड्या डोळ्यांनी पाहतंय", असे निलेश लंके यांनी म्हटले आहे.
हेही वाचा >> 'शिंदे साहेब, गजानन कीर्तिकरांची त्वरित हकालपट्टी करा', शिवसेना नेता संतापला
निलेश लंके यांनी सुरक्षा व्यवस्थेवरच प्रश्नचिन्ह उपस्थित केले आहे. ईव्हीएम स्ट्राँगरुमला तीन पातळ्यावर सुरक्षा असते. असे असतानाही एक व्यक्ती स्ट्राँगरुमजवळ गेल्याचे दिसत आहे. त्यामुळे लंके यांनी चिंता व्यक्त केली आहे.
बारामतीत सीसीटीव्ही मॉनिटर पडला बंद
काही दिवसांपूर्वी सुप्रिया सुळे यांनी बारामती लोकसभा मतदारसंघातील ईव्हीएम ज्या स्ट्राँगरुममध्ये ठेवले गेले आहेत, तिथले सीसीटीव्ही मॉनिटर बंद पडल्याचा मुद्दा मांडला होता. अर्धा तास सीसीटीव्ही फुटेज मॉनिटर बंद होते. यावर रोहित पवार हेही आक्रमक झाले होते
केवळ सीसीटीव्ही फुटेज दाखवणारे मॉनिटर बंद पडले होते, असा खुलासा निवडणूक आयोगाने केला होता.
हे वाचलं का?
