Pune Accident: 'पोलिसांनाही धक्का बसला...', पुण्यातील 'त्या' अपघाताबाबत फडणवीस असं का म्हणाले?
Pune Accident Devendra Fadnavis: पुणे अपघात प्रकरणी देवेंद्र फडणवीस यांनी बाल न्याय मंडळाने दिलेला निकाल हा धक्कादायक असल्याचं म्हटलं आहे.
ADVERTISEMENT
Devendra Fadnavis on Pune Accident: पुणे: पुण्यातील प्रसिद्ध उद्योजका विशाल अग्रवाल (Vishal Agarwal)याच्या अल्पवयीन मुलाने आपल्या पोर्शे या गाडीने दोघांना धडक देत चिरडलं. ज्यामध्ये दोघांचाही दुर्दैवी मृत्यू झाला. मात्र, यानंतर बाल न्याय मंडळाने या मुलाची जामिनावर सुटका करताना काही अटी समोर ठेवल्या होत्या. ज्या अत्यंत क्षुल्लक असल्याची टीका होऊ लागली. या प्रकरणावर राज्य सरकारवरही टीका होताच गृहमंत्री देवेंद्र फडणवीस यांनी पत्रकार परिषद घेत सरकारची भूमिका स्पष्ट केली. (pune porsche car accident why did home minister devendra fadnavis say that the police were also shocked regarding accident caused by a minor in pune)
यावेळी खुद्द देवेंद्र फडणवीस यांनी देखील मान्य केलं की, दुर्दैुवाने बाल न्याय मंडळाने त्यात वेगळी भूमिका घेतली. या प्रकरणात ज्या प्रकारचे त्यांनी आदेश दिले त्यामुळे पुणे पोलिसांनाही धक्का बसला. आता या प्रकरणी आरोपीला प्रोढ म्हणून कोर्टापुढे सादर केलं जावं अशा स्वरुपाची केस तयार करण्यात आल्याचंही फडणवीस यावेळी म्हणाले..
पाहा पुण्यातील अपघातावरनंतर देवेंद्र फडणवीस नेमकं काय म्हणाले...
'गाडी चालवत असताना अपघात केला आणि दोन लोकांचा यांचा मृत्यू झाला.. त्यानंतर घडलेल्या ज्या घटना आहेत या संदर्भात लोकांमध्ये संताप, नाराजी ही पाहायला मिळाली. मुळातच ही घटना घडल्यानंतर पोलिसांनी कारवाई करत याप्रकरणी 304 कलम हे लावला आहे. आणि स्पष्टपणे लिहलेलं आहे की, हा जो मुलगा आहे तो 17 वर्ष 8 महिन्यांचा आहे..'
'निर्भया प्रकरणानंतर जी काही दुरुस्ती झाली त्यानुसार 16 वर्षांच्या वरील जी मुलं असतील त्यांना गंभीर प्रकरणात अडल्ट म्हणून ट्रीट केलं जाऊ शकतं.'
हे वाचलं का?
