Vijay Shivtare: 7 तास थांबवलं... CM शिंदेंच्या भेटीनंतर विजय शिवतारे थेट म्हणाले, 'मी चार दिवस सांगतोय..'
Vijay Shivtare and CM Shinde शिंदे गटाचे नेते विजय शिवतारे यांना CM शिंदेंना भेटण्यासाठी तब्बल 7 तास वाट पाहावी लागली. वाचा त्यानंतर झालेल्या भेटीत शिंदे आणि शिवतारेंमध्ये नेमकं काय ठरलं.
ADVERTISEMENT
बातम्या हायलाइट
शिवतारेंना 7 तास पाहावी लागली वाट
शिवतारेंनी घेतली मुख्यमंत्री शिंदेंची भेट
शिंदेंच्या भेटीनंतर शिवतारे नेमकं काय म्हणाले?
Vijay Shivtare Vs Ajit Pawar: मुंबई: 'तू कसा निवडून येतो ते पाहतो. आता त्याचा बदला घेण्याची वेळ आलेली आहे.' उपमुख्यमंत्री अजित पवारांबाबत असं विधान करून महायुतीमध्ये खळबळ उडवून देणाऱ्या शिंदे गटाचे नेते आणि माजी मंत्री विजय शिवतारे यांना तब्बल 7 तासांच्या प्रतिक्षेनंतर मुख्यमंत्री एकनाथ शिंदे यांच भेट मिळाली. ज्यानंतर त्यांनी माध्यमांशी संवाद साधताना एक मोठं विधान केलं. (vijay shivtare vs ajit pawar baramati made to wait for 7 hours after meeting cm shinde shivtare directly said i have been saying for four days mentality has not changed)
'माझी मानसिकता काय हे जे मी चार दिवस सांगतोय.. तशीच आहे.. परंतु आमची बाजू आम्ही समजून सांगितली आहे. त्यांनीही ऐकून घेतलं आहे.' असं म्हणत शिवतारे यांनी आपण अद्यापही मागे हटणार नाही. काहीही झालं तरी बारामती लोकसभा मतदारसंघातून लढणार याचेच संकेत दिले आहेत.
मुख्यमंत्री शिंदेंनी तब्बल 7 तास शिवतारे पाहायला लावली वाट...
शिवतारेंच्या विधानामुळे महायुतीत तणाव निर्माण झाला. त्यामुळेच या सगळ्याबाबत नेमकी स्पष्टता यावी यासाठी मुख्यमंत्री शिंदे यांच्या भेटीसाठी शिवतारे हे आज (14 मार्च) मुंबईत आले होते. मात्र, इथे त्यांना 7 तास वाट पाहावी लागली.
दुपारी बारा वाजल्यापासून वेटिंगवर असलेल्या शिवतारे यांची रात्री 8 वाजेच्या सुमारास मुख्यमंत्र्यांसोबत भेट झाली. 'मुख्यमंत्र्यांच्या भेटीसाठी मला संयम ठेवावा लागेल.' असंही शिवतारे दुपारी म्हणाले होते.
हे वाचलं का?
