Modi New Cabinet : भाजपने अजित पवारांच्या राष्ट्रवादीला 'कॅबिनेट मंत्रिपद' का दिलं नाही?
Ajit Pawar on Modi New Cabinet : नरेंद्र मोदी यांच्या नेतृत्वाखाली राष्ट्रवादी काँग्रेसला एकही मंत्रिपद मिळाले नाही. भाजपने राष्ट्रवादी काँग्रेसला एकही मंत्रिपद का दिले नाही?
ADVERTISEMENT
बातम्या हायलाइट
अजित पवारांच्या राष्ट्रवादी काँग्रेसला मंत्रिमंडळात स्थान नाही
अजित पवारांच्या राष्ट्रवादीला हवे कॅबिनेट मंत्रिपद
प्रफुल्ल पटेल यांना दिली जाणार होती संधी
Ajit Pawar NCP Modi Cabinet : नरेंद्र मोदींच्या नेतृत्वाखाली एनडीए सरकारच्या मंत्रिमंडळात अजित पवारांच्या राष्ट्रवादी काँग्रेसमधून कुणीही नसणार, हे स्पष्ट झाले आहे. भाजपने राज्यमंत्रिपद (स्वतंत्र प्रभार) अजित पवारांच्या राष्ट्रवादी काँग्रेसला दिले होते. पण, हा प्रस्ताव अजित पवारांच्या पक्षाने नाकारला आहे. अजित पवारांच्या राष्ट्रवादी काँग्रेसला कॅबिनेट मंत्रिपद का दिले नाही, याबद्दलचे कारण आता समोर आले आहे. (Why did BJP not give cabinet minister post to Ajit Pawar's NCP?)
भाजपकडे कॅबिनेट मंत्रि‍पदाची मागणी अजित पवारांच्या राष्ट्रवादी काँग्रेसने केली होती. पण, भाजपने ते शक्य नसल्याचे सांगितले. नेमकी काय चर्चा झाली, याबद्दल अजित पवारांनी इनसाईड स्टोरी सांगितली.
दिल्लीत माध्यमांशी बोलताना अजित पवार म्हणाले, "लोकसभेचा निकाल लागल्यानंतर एनडीएची लगेच बैठक बोलवण्यात आली होती. म्हणजे ४ जूनला निकाल लागले आणि ५ जूनला बैठक बोलवली होती. मला काही येता आलं नाही. मी प्रफुल्ल पटेल आणि सुनील तटकरेंना बैठकीला जाण्यासाठी सांगितलं. त्यामुळे दोघे बैठकीला आले होते."
अजित पवारांनी सांगितला सगळा घटनाक्रम
"चंद्राबाबू नायडू आणि नितीश कुमार यांचे संख्याबळ जास्त असल्याने त्यांच्या दोघांच्या म्हणण्याला महत्त्व प्राप्त झाले होते. त्याच्याआधी माध्यमात वेगवेगळ्या बातम्या येत होत्या. त्यावेळी चंद्राबाबू नायडू आणि नितीश कुमार यांनी स्वतः सांगितलं की, दिवस वाया घालू नका. ताबडतोब एनडीएची बैठक घ्या. नरेंद्र मोदींची निवड करू", असा घटनाक्रम अजित पवारांनी सांगितला.
हे वाचलं का?
