Ramdas Athawale: एकही खासदार नसताना मोदी मंत्रिमंडळात आठवलेंची सीट का असते फिक्स?
Modi Cabinet: पंतप्रधान नरेंद्र मोदींच्या मंत्रिमंडळात सलग तिसऱ्यांदा मंत्रिपद मिळविण्याची करामत रामदास आठवले यांनी केली आहे. जाणून घ्या आठवलेंनी ही किमया नेमकी कशी साधली आहे.
ADVERTISEMENT
Ramdas Athawale: नवी दिल्ली: पंतप्रधान नरेंद्र मोदींचा आणि त्यांच्या मंत्रिमंडळाचा तिसरा शपथविधी काल (9 जून) पार पडला. पंडित नेहरुंनंतर सलग तिसऱ्यांदा पंतप्रधान पदाची शपथ घेण्याचा मानही मोदींना मिळाला आहे. मोदींच्या मंत्रिमंडळात महाराष्ट्रातील सहा खासदारांचा समावेश आहे. या सहा खासदारांमध्ये एक नाव नेहमीच मंत्रिपदासाठी पुढे असतं, ते म्हणजे रामदास आठवले. सरकार कोणाचंही येवो आठवलेंची सीट पक्की असते. मोदी आठवलेंना मंत्रिमंडळात का घेतात? भाजपला आठवलेंचा कसा फायदा होतो? हे सगळं आपण सविस्तरपणे समजून घेऊया. (why does ramdas athawale have a ministerial position in the nodi cabinet when there is no mp)
राष्ट्रपती भवनाच्या प्रांगणात रविवारी मोदींच्या तिसऱ्या सरकारचा शपथविधी पार पडला. या सोहळ्याला जगभरातून पाहुणे आले होते. मोदींच्या मंत्रिमंडळात 72 मंत्र्यांनी शपथ घेतली. त्यात महाराष्ट्रातील सहा मंत्र्यांचा समावेश होता. मोदींच्या मंत्रिमंडळात महाराष्ट्रातून नितीन गडकरी, पियुष गोयल, रक्षा खडसे, प्रतापराव जाधव, मुरलीधर मोहोळ आणि रामदास आठवले यांचा समावेश करण्यात आला आहे.
रामदास आठवले यांनी सलग तिसऱ्यांदा मोदींच्या मंत्रिमंडळात राज्यमंत्री म्हणून शपथ घेतली आहे. आता रामदास आठवलेंना पुन्हा सामाजिक न्याय खातं मिळतं की आणखी कुठलं खातं दिलं जातं हे पाहणं महत्त्वाचं असणार आहे.
हे ही वाचा>> PM Modi new cabinet minister list 2024 : असे आहे मोदींचे मंत्रिमंडळ, वाचा संपूर्ण यादी
2014 पासून रामदास आठवले हे मोदींच्या मंत्रिमंडळात आहेत. विशेष म्हणजे 2014 पासून आठवलेंचा एकही खासदार लोकसभेत निवडूण गेलेला नाही, त्याचबरोबर महाराष्ट्रातील विधानसभेत देखील त्यांचा एकही आमदार नाहीये. आठवले हे स्वतः राज्यसभेचे खासदार आहेत. एप्रिल 2026 ला आठवलेंचा खासदार पदाचा कार्यकाळ संपतोय. त्यामुळे 2026 पर्यंत तरी आठवले हे मोदींच्या मंत्रिमंडळात राज्यमंत्री असणार आहेत.
हे वाचलं का?
