अमिताभ बच्चन यांचा आज 80 वा वाढदिवस; आयुष्यातील 8 टर्निंग पॉईंट ज्यांनी त्यांना ‘महानायक’ बनवलं

अमिताभ बच्चन यांच्या कारकिर्दीच्या आलेखातील सर्वात निर्णायक क्षण कोणते आहेत यावर दीर्घ चर्चा होऊ शकते. तरीही, त्यांच्या कारकिर्दीत असे 8 क्षण आहेत ज्यांमुळे प्रेक्षक त्यांना ओळखतात. पाहूया अमिताभ बच्चन यांच्या ऑनस्क्रीन प्रवासातील टर्निंग पॉईंट्स ज्याने त्यांना सुपरहिरो बनवले.

1. आनंद

नोव्हेंबर 1969 मध्ये ख्वाजा अहमद अब्बास यांच्या ‘सात हिंदुस्तानी’ या चित्रपटातून लोकांनी अमिताभ बच्चन यांना पहिल्यांदा पडद्यावर पाहिले. पण एका अभिनेत्याचा ‘ब्रेकआउट’ क्षण म्हणजेच पडद्यावर उमललेला क्षण अजून यायचा होता.आणि ते अमिताभला हृषिकेश मुखर्जीच्या ‘आनंद’मध्ये डॉ. भास्कर मुखर्जीच्या व्यक्तिरेखेत मिळाले. त्या काळातील सुपरस्टार राजेश खन्ना या चित्रपटात मुख्य अभिनेते होते आणि त्यांच्या सुपरहिट लाटेतील आनंद हा चित्रपट होता. पण अमिताभ या नवख्या मुलाचे काम पाहून पब्लिक खूप प्रभावित झाली. एक प्रसिद्ध किस्सा आहे की, रिलीजच्या दिवशी अमिताभ कारमध्ये पेट्रोल भरण्यासाठी पंपावर पोहोचले तेव्हा त्यांना कोणीही ओळखले नाही. पण चित्रपट आल्यानंतर काही दिवसांनी ते पुन्हा तिथे पोहचले तेव्हा लोक त्यांना ओळखू लागले.