Salman Khan Firing : सलमान खानच्या घरावर कुणी झाडल्या 5 गोळ्या?
Salman khan House Firing : सलमान खान याच्या घरावर कुणी गोळ्या झाडल्या? सलमान खानला आतापर्यंत कुणी दिल्या आहेत धमक्या?
ADVERTISEMENT
बातम्या हायलाइट
अभिनेता सलमान खानच्या घरावर गोळीबार
मोटारसायकलवर आलेल्या दोघांनी केला गोळीबार
एक गोळी लागली खिडकीच्या जाळीला
Salman Khan House Firing : (देव कोटक, मुंबई) मुंबईतील सिनेसृष्टी रविवारी हादरली. बॉलिवूड अभिनेता सलमान खान याच्या गॅलेक्सी अपार्टमेंटवर दोन अज्ञात दुचाकीस्वारांनी घरावर गोळीबार केला. हल्लेखोरांनी तीन राऊंड फायर केले. त्यानंतर दोघेही तेथून तत्काळ फरार झाले. सुदैवाने यात कुणालाही दुखापत झाली नाही. पण, घटनेने सलमानच्या कुटुंबीयांना आणि चाहत्यांना धक्का बसला आहे. त्याबरोबर कायदा आणि सुव्यवस्थेचा प्रश्नही निर्माण झाला आहे.
पहाटे 4.50... दुचाकीवर आले अन् झाडल्या गोळ्या
सलमान खानच्या बंगल्याबाहेर गोळी कोणी चालवली हा अद्याप तपासाचा विषय आहे. दोन्ही दुचाकीस्वारांनी हेल्मेट घातलेले असल्याने त्यांची ओळख पटू शकली नाही. पोलिसांनी तपास सुरू केला आहे.
या गोळीबारानंतर सलमान खानला असलेला धोका लक्षात घेऊन त्याची सुरक्षा वाढवण्यात आली आहे. बिष्णोई टोळीने त्यांच्या बंगल्याची रेकीही केली होती. त्यामुळे सलमान खान कुणाच्या निशाण्यावर आहे. त्याला मारण्याचा प्रयत्न कोण करतंय? त्याला यापूर्वी कुणी धमक्या दिल्या होत्या... हेच जाणून घेऊयात.
सलमान बिश्नोई टोळीच्या निशाण्यावर?
गेल्या अनेक वर्षांपासून सलमान खानला बिश्नोई गँगपासून धोका आहे. लॉरेन्स बिश्नोई आणि भारत आणि कॅनडातील वॉन्टेड गँगस्टर गोल्डी ब्रार यांनी सलमान खानला मारण्याची अनेकदा धमकी दिली आहे.
