Maratha Reservation : “…तर तुम्ही मूर्ख, मुर्दाड आहात”, किरण मानेंची खरमरीत पोस्ट

अभिनेते किरण माने सामाजिक मुद्द्यांवर भूमिका मांडत असतात. मराठा आरक्षण आणि आंदोलनाबद्दल त्यांनी काही पोस्ट केल्या आहेत. यात त्यांनी जरांगे पाटलांचं कौतुक केलं आहे. तर मराठा आंदोलनावर टीका करणाऱ्यांना तिखट भाषेत सुनावलं आहे.

Maratha Protest : मराठा आंदोलनावर टीका करणाऱ्यांना काय म्हणाले किरण माने?

किरण माने यांनी एक पोस्ट शेअर केली आहे. त्यात ते म्हणतात, “विरोधात साधी पोस्ट केली तरी अकाऊंट रिस्ट्रीक्ट होतं. जाब विचारणार्‍या पत्रकारांच्या नोकर्‍या जातात. कलाकारांना बायकॉट केलं जातं. अशा दडपशाहीच्या काळात, संविधानिक मार्गाने एक आंदोलन होतंय आणि त्याने सत्ताधार्‍यांना हलवून सोडलंय… हे खूप आशादायी आहे, एवढं जरी तुम्हाला कळत नसेल. तुम्ही मराठा आंदोलनावर जहरी टीका करुन फॅसिस्ट शक्तींना बळ देत असाल तर तुम्ही एक नंबरचे मूर्ख, मुर्दाड आणि आत्मघातकी आहात. #एक_मराठा_लाख_मराठा #जय_शिवराय_जय_भीम.”